اوتمیش ییل‌ده یوز بیرگن سیاسی اوزگریش‌لردن کیین، اهالی کوپینچه اقتصادی قیین‌چیلیک بیلن روپه‌ره بولگن. شونینگدیک دنیا بانک‌لریده افغانستان پول‌لری نینگ یاپیق قالگنی، قوروق‌چیلیک و دنیا‌ده‌گی جاری وضعیت، افغانستان یشاوچیلری نی یامان بیر وضعیت‌ده قرار بیرگن.
خلق‌ارا قیزیل خاج کمیته نینگ ینگی گزارشی اساسیده، افغانستان ده دستلبکی مادهلر بهاسی ایکی برابر بولگن. مذکور کمیته نینگ گزارشی‌ده کیلگن که، افغانستان ده دستلبکی مادهلر اینیقسه اون نینگ بهاسی ۶۸ فایز کوپه‌یگن دیر.
گزارش‌ده یازیلگن که: «اوتمیش میلادی ییل نینگ جون آیی‌دن حاضرگچه، افغانستان ده ییگولیک مادهلر اینیقسه اون نینگ بهاسی ۶۸ فایز یوقاری کیتگن.»
بیزلرنینگ توییترده هم تعقیب قیلینگ!
شونده‌ی بیرحالده، کابل ده دستلبکی ماده ساوتووچی امید صوفی‌زاده ییگولیک مادهلر بهاسی نینگ کوپه‌یگنیدن شکایت قیله‌دی. اونینگ سلام‌وطندار گه ایتیشیچه: «اوتگن ییل بیر بوجی برنج ۱۸۰۰ افغانی ایدی لیکن حاضر ایسه ۳۲۰۰ افغانی بولگن. اهالی‌دن کوپ قطاری قرض ایسته‌یدی، اوتمیش‌ده مشتری‌لر نیچه بوجی برنج آله‌ر ایدیلر؛ لیکن حاضر ایسه نیچه کیلوگرام برنج آله‌دیلر.»
باشقه بیر تامان‌دن، خلق‌ارا مهاجرت تشکیلاتی نینگ گزارشی اساسیده، افغانستان ده عایله‌لردن کمیده ۶۹ فایزی ییگولیک ماده آلیش گه امکانیتی یوق.
کابل شهریده تکسی هیداووچیلردن بیری جواد نینگ ایتیشیچه، مذکور وضعیت اونینگ حیاتی گه سلبی تاثیر قوییگن و اوشبو وضعیت نینگ دوام قیلیشی خصوصیده خواطرلی دیر.
اونینگ کوپه‌یتیریشیچه: «اوتمیش ییل‌لرده ۱۰ مینگ افغانی گه بوتون ییگولیک مادهلر نی آله‌ر ایدیم و اوشبو پول ییترلی ایدی، لیکن حاضر ایسه بو مقدار پول بیلن یالغیز اون و یاغ آلاله‌من. جوده هم نرسه‌لر نینگ بهاسی یوقاری کیتگن و ایش هم یوق.»
عین حالده، کراچی هیداووچیلردن ویس نینگ ایتیشیچه، ایش‌سیزلیک و ییگولیک مادهلر بهاسی نینگ کوپه‌یشی بیلن ۸ کیشی‌لیک عایله تقدیری و اولر نینگ خره‌جتی نی تامین قیلیش خصوصیده خواطرلی دیر.
اونگه کوره: «آیده ۳ مینگ اوی کرایه بیره‌من و همه نرسه نینگ نرخی کوپه‌یگن. بوگون ۷۰ افغانی ایشله‌دیم. بیلمه‌یمن بو پول بیلن برق نینگ پولی نی بیره‌ی می یا-ده سوو نینگ پولی نی.»
شونده‌ی بیرحالده، اسلامی امارت سرپرست حکومتی تشقی مملکت‌لرده‌گی قیینچیلیکلر، مادهلر بهاسی نینگ کوپه‌گنی سبب بولگن دیب، مذکور قیینچیلیکلر نینگ حل بولیشی اوچون سعی و حرکت بولیشی خصوصیده ایشانچ بیره‌دی.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه: «تشقی قیینچیلیکلر سبب، قیمت‌لر یوقاری کیتگن. بو دنیا‌ده یوز بیرگن بیر قیین‌چیلیک دیر. نفت قیمتی یوقاری کیتگن و مادهلر نینگ انتقال قیلیشی قیمت بولگن. اوشبو وضعیت افغانستان گه هم سلبی تاثیر قوییگن، لیکن اسلامی امارت ینه هم اوشبو قیین‌چیلیک نی حل قیلیش اوچون سعی و حرکت قیلماقده.»
شونده‌ی بیرحالده، افغانستان ده‌گی انسانی وضعیت جهانی خواطرلر گه اوزگرگن و حاضر ایسه افغانستان گه یوزلرچه میلیون دالر بشری یاردم یوباریلگن، لیکن مذکور یاردم‌لر بو قیینچیلیکلر نینگ حل بولیشی اوچون چندان فایده‌لی بولمه‌گن.
