ایچکی آواره‌لردن قطاری نینگ دستلبکی ماده‌لر گه قول تاپه‌آلمه‌یشلری خصوصیده شکایتلری بار. اولر نینگ ایتیش‌لریچه، طبیعی حادثه‌لر و اوروش‌لر سبب کابل که پناه کیلتیرگن ایدلر که، حاضر ایسه یامان بیر وضعیت‌ده قالگنلر و سرپرست حکومت نینگ توجه‌سیزلیگی‌دن شکایت قیله‌دیلر.
بیجا بولگنلر نینگ کوپه‌یتیریش‌لریچه، حیات‌لری نی کیچیریش اوچون ییترلیچه ییمک و درست ییر گه قول تاپه‌آلمه‌گنلر. اولر اسلامی امارت‌دن بیجا بولگنلر نینگ وضعیتی گه توجه قیلیش‌لری نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
ایچکی بیجا بولگنلردن تراب نینگ ایتیشیچه: «بیزلر قیین‌چیلیک اوچون بو ییر گه کیلدیک. سرک ایستمه‌یمیز،کسل‌خانه ایستمه‌یمیز، بیر لقمه حلال نان ییش اوچون نان ایسته‌یمیز.»
شونینگدیک بیجا بولگنلردن باشقه بیری محمد‌احسان نینگ ایتیشیچه: «بیزلر گه باش‌پناه تیار قیلسین‌لر و انسانی و عاجل یاردم‌لر نی حاضر قیلسین‌لر.»
بو توغریده مهاجرلر و باش‌پناه ایزلاوچیلر وزیرلیگی نینگ فکری نی آلیش ایسته‌دیک، بیراق اوشبو وزیرلیکی سوزلاوچیسی عبدالمطلب حقانی کیین‌مه کیین قونقراغی‌میز گه جواب قیته‌ر مه‌دی.
شونده‌ی بیرحالده، اسلامی امارت سوزلاوچیسی اورین‌باسرلریدن بلال‌کریمی نینگ سلام‌وطندار گه ایتیشیچه، بیجا بولگنلر وضعیت‌لری نینگ یخشی بولیشی و اولر گه ساغلیق خذمت‌لر نینگ ارایه بولیشی اوچون مهاجرلر و باش پناه ایزلاوچیلر وزیرلیگی، طبیعی حادثه‌لر گه قرشی کوره‌ش وزیرلیگی و قیزیل آی جمعیتی فایده‌لی اقدام‌لر نی انجام بیرگنلر و شونینگدیک اوشبو پروسه نینگ دوامی بار.
بیزلرنینگ توییترده هم تعقیب قیلینگ!
باش پناه ایزلاوچیلر بوییچه بیرلشگن ملت‌لر تشکیلاتی نینگ کمیشنری ینگی‌لیکده ایچکی آواره‌لر وضعیتی نینگ قنده‌یلیگی خصوصیده خواطر بیلدیریب و افغانستان ایچکی آواره‌لری نینگ عاجل یاردم گه نیازلری بارلیگی نی ایتگنی بیرحالده، اوشبو بیانات مطرح بولگن.
انسان‌دوستیلک یاردم‌لر ارایه قیلووچی بیرلشگن ملت‌لر تشکیلاتی، باش پناه و ییگولیک ماده‌لر نی ایچکی آواره‌لر نینگ جدی نیازلریدن حسابلگن.
