بوگون (شنبه، ۲۵ سرطان)  کابل شهری ده بیر لیتر دیزل ۱۲۷ افغانی و بیر لیتر پترول ۹۵ افغانی گه ییتگن. مملکت بویلب کونسه‌یین نرخ_نوالر آشیشی کابل یشاوچیلری اینیقسه اوشبو ساحه ده مستقیم فعالیتی بولگن‌لر نینگ خواطری گه سبب بولگن.

کابل شهری ده تخمیناً ۲۰ ییل دن بویان تیل فروش‌لیک قیلیب کیلگن نجیب‌الله، تیل قیمتی مثل‌سیز درجه ده آشکنیدن خواطر بیلدیره‌دی.

اونگه کوره، بو وضعیت دوام ایتگن تقدیرده، ایشلاوچیلری سانینی کمه‌یتیریش گه مجبور دیر.

کابل شهری ده‌گی تیل فروش‌لردن نجیب‌الله نینگ ایتیشیچه: «حاضر قریب ۵۰ فایز آدم‌لر موترلرینی توخته‌تگن و سودا کمه‌یگن، سونگی آی‌لرده بعضی وقت‌لر سودا گه نقص قیله‌میز. بو وضعیت دوام ایتگن تقدیرده ایشلاوچیلر سانینی کمه‌یتیریشیم کیره‌ک»

بیزلرنینگ فیسبوک صحیفه‌میزگه باش اورینگ!

باشقه تاماندن، شهری موتر هیداوچیلردن بولمیش سید نجیب‌الله، بازار ده تیل نرخی قیمت‌لیگیدن شکایت قیلیب ایتیشیچه، اوشبو وضعیت تیریکچیلیک، ایش و فعالیت‌لری اوستیگه سلبی تاثیر قیلگن.

موتر هیداوچیلردن سید نجیب‌الله نینگ ایتیشیچه: «اوچ و تورت دوستی‌میز موترلرینی ساتگن حاضر بیکار و بو وضعیت دوام ایتگن تقدیرده موتریمنی توخته‌تیش گه مجبور من، بو شرایط ده هیداوچی‌لیک بیلن روزغار خرجتینی تأمینلش قیین دیر.»

عین‌حالده، سوداگرلیک و سرمایه یاتقیزیش اتاقی، مملکت بویلب تیل نرخی قیمت بولیش سببینی، باجخانه‌لرده‌گی قیینچیلیک عنوان قیله‌دی.

سوداگرلیک و سرمایه یاتقیزیش اتاق نینگ مدیره هیأت عضوی خان‌جان الکوزی گه کوره، باجخانه‌لرده وارداتی تیل نینگ استندردی تیکشیریلیش قیینچیلیگی حل بولمه‌گن تقدیرده، تیل نرخی پس توشمه‌یدی.

خان‌جان الکوزی گه کوره: عمومی قیینچیلیک بندرلرده استندرد قیینچیلیگی دیر، بو قیینچیلیک حل بولمسه تیل ارزان بولمه‌یدی، اگر ۹۲ و عالی صفتلی تیل نی ساتیب آلسک، دنیا ده قیمت و تولیدی آز دیر. بندرلرده توخته‌تیلگن تیللر گه رخصت بیریلمسه و استندرد قیینچیلیگی حل بولمسه، تیل ارزان بولمه‌یدی.»

بیزلرنینگ توییترده هم تعقیب قیلینگ!

عین‌حالده، سونگی کونلرده دنیا بازارلریده تیل قیمتی پس توشیشی خبر قیلینسه ده؛ بیراق افغانستان بازارلریده حاضرگچه اوزگریش کیلمه‌گن.

صناعت و سوداگرلیک وزیرلیگی نینگ ایتیشیچه، افغانستان بازارلریده حاضرگچه ارزان نرخ ده تیل وارد ایتیلمه‌گن.

صناعت و سوداگرلیک وزیرلیگی نینگ مطبوعات مسئولی جواد دبیر نینگ سلام‌وطندار گه ایتیشیچه: «حاضرگه قدر سوداگرلر تامانیدن ارزان نرخ ده افغانستان گه تیل وارد ایتیلمه‌گن، تیل نرخی قیینچیلیگی استراتیژیک روشده حل ایتیلیشی مقصدیده سعی و حرکت قیلماقده میز.»

ایتیش کیره‌ک که، سیاسی قیینچیلیکلر و اوکراین ده‌گی اوروش باعث، سونگی آی‌لرده دنیا بویلب نفتی ماده‌لر نرخی مثل‌سیز درجه ده آشگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام