افغانستان بویلب سونگی سیاسی اوزگریشلردن کیین، کسب وکار جملهدن نجارلیک، خیاط لیک و کلالچیلیک تنزل گه یوز توتگن. کسبهکارلر ایشلری وضعیتیدن نالیب ایتیشلریچه، اوتمیش گه نسبتن ایشلری مثلسیز درجهده پس توشگن.
نجارلردن بولمیش سمیعالله نینگ سلاموطندار گه ایتیشیچه، قریب ۸ آی دن بویان بیکار دیر. سمیعالله گه کوره، بوندن آلدین بنالر نینگ کلکین و دروازهلرینی توزهتر ایدی؛ بیراق مملکتدهگی سونگی اوزگریشدن کیین اسلامی امارت بنالر نینگ قوریلیش ایشلرینی توختهتگن، شونی اوچون سمیعالله نینگ ایشی هم تنزل گه یوز توتگن.
بیزلرنینگ فیسبوک صحیفهمیزگه باش اورینگ!
سمیع نینگ ایتیشیچه: «اصلا ایش یوق، اسلامی امارت حاکم بولیشیدن ۸ـ۹ آی اوتماقده حاضرگچه بیکارمیز، شو ییرده کوننی آخشم قیلهمیز.»
عینحالده، سونگی اوزگریشلر، خیاط لیک ایشلری اوستیگه هم سلبی تاثیر قیلگن. کابل بهارستان خیاط لریدن بیر قطاری نینگ سلاموطندار گه ایتیشلریچه، اوتمیش گه نسبتن ایشلری صفر گه ییتیشگن. بهارستان دهگی خیاط لردن باشقه بیری عبدالواسع گه کوره، سونگی اوزگریش دن کیین، اهالی نینگ حتی ینگی کییم قیلیش اوچون علاقهلری کمهیگن.
خیاط لردن بولمیش عبدالواسع گه کوره: «اوتمیش گه نسبتن خیاط لر و کییم ساتووچیلر وضعیتی صفر گه ییتگن، اقتصادی وضعیت مثلسیز درجه یامانلشگن، قیمتلیک اوز اوجی گه ییتگن، هیچکیم علاقه بیلن کیلیب کییم توزهتمهیدی.»
باشقه تاماندن، نجارلیک و خیاط لیککه قوشیمچه، کلالچیلیک ایشلرهم تنزل گه روپهره بولگن. کابل شهرآرا کلالچیلری، سفالی بازار تنزل گه یوز توتیشیدن شکایت قیلیب ایتیشلریچه، اوتمیشلرده کونیده ۲ـ۳ تندر ساتیلر ایدی؛ لیکن حاضر هفته یا ۳ کون ایچیده بیر تندرنی زوردن ساتهدیلر. شهرآرا کلالچیلریدن بولمیش محمد هاشم، کلالچیلیک وضعیتیدن نالیب و اسلامی امارتدن، امنیتنی برقرار ایتیش گه علاوه اهالی گه ایش شرایطی یرهتیلیشینی سورهیدی.
کلالچیلردن بیری محمد هاشم نینگ ایتیشیچه: «اوتمیش گه قرهگنده وضعیت یامانلشگن بازار یوق، سابقلرده بیر یا یاکیته سودا قیلر ایدیک، حاضر بیر هفته دن کیین، اوچ کوندن کیین بیر دانه ساتهمیز.»
بیزلرنینگ توییترده هم تعقیب قیلینگ!
کسبهکارلر، ایشلری تنزل گه یوز توتیش عاملینی تیزیم اوزگریشی، سالیق یوقاریلیگی، دالر نرخی آشیشی و اهالی نینگ اقتصادی وضعیتی یامان بولیشی عنوان قیلهدیلر. شونینگدیک اسلامی امارت اقتصاد وزیرلیگی نینگ سوزلاوچیسی عبدالرحمن حبیب گه کوره، مذکور وزیرلیک ایچکی تولیدلر و کیچیک تشبثلرنی اوستون قرار بیریب و اقتصادی بویوک پروژهلرنی عملگه آشیریش بیلن، اهالی اوچون ایش زمینهسی یرهتیلیشی مقصدیده سعی و حرکت قیلهدیلر.
ایتیش کیرهک که، افغانستان ده اسلامی امارت حاکم بولیشیدن کیین، اهالی اقتصادی و بشری وضعیت کونسهیین یامانلشماقده. بوندن آلدین ناروی بیر بیانیه ترقهتیب اسلامی امارت افغانستاننی انسانی و اقتصادی فاجیه تامان سوق بیریشینی ایتگن ایدی.