هندوستان نینگ بیرینچی بوغدای یاردمی، بوگون عطاری-واگه چیگره‌سی آرقه‌لی افغانستان گه انتقال بیریلیشی کوتیله‌دی. هندوستان میدیالری اوشبو مملکت رسمی‌لری دن نقل قیلیب گزارش بیریش‌لریچه، بیرینچی یاردم‌لرده قریب ۱۰ مینگ تُن بوغدای هندوستان و پاکستان رسمی‌لری همده خلق‌ارا آزیق-آوقت دستوری نماینده‌لری حضوری بیلن افغانستان گه یوباریله‌دی.
اوشبو یاردم‌لر عین‌حالده افغانستان گه یوباریلماقده که هندوستان و پاکستان، پاکستان بندرگاهی آرقه‌لی مذکور یاردم‌لر یوباریلیشی خصوصیده آی‌لر مذاکره‌دن کیین کیلیشگن‌لر. هندوستان میلادی اوتگن ییلی اکتوبر آی‌ده، افغانستانده بشری وضعیت یامانله‌شی و قورغاقچیلیک و آچرچیلیک باعث، ۵۰ مینگ تُن بوغدای و طبی جهاز افغانستان گه یاردم بیریشینی اعلان ایتگن ایدی، بو یاردم‌لر پاکستان یولی آرقه‌لی افغانستان گه انتقال بیریلیشی کوتیلر ایدی.
بیزلرنینگ فیسبوک صحیفه‌میزگه باش اورینگ!
پاکستان دستلب بو توغریده همکارلیک قیلیشینی قبول قیلیب، بو یاردم‌لر افغانستان نینگ یوک تاشووچی موترلری بیلن انتقال بیریلیشینی بیلدیردی. کیین ایسه مذکور مملکت وعده‌سی گه عمل قیلمه‌ی و هندوستان نینگ اوشبو یاردم‌لری واگه بندرگاهی آرقه‌لی انتقال بیریلیشی گه ایریم شرط‌لرنی قویگنی معلوم قیلیندی.
هندوستان نینگ بیرینچی یاردم‌لری بوگون افغانستان گه انتقال بیریلیشی کوتیله‌دی، بیراق هند میدیالری گه کوره، پاکستان نینگ شرط‌لری سبب حاضرگچه قیینچیلیک بار. گزارش‌لر اساسیده، پاکستان بیر آی ایچیده برچه یاردم‌لر انتقال بیریلیشینی ایسته‌یدی؛ عین‌حالده یالغیز افغانستان نینگ ۴۰ یوک تاشووچی موتری کونیده واگه چیگره‌سیده فعالیت قیله آله‌دی.
بیزلرنینگ توییترده هم تعقیب قیلینگ!
هندوستان رسمی‌لری نینگ ایتیشلریچه، مذکور مملکت آزیق-آوقت شرکتی (FCI) هندوستان نینگ یوک تاشووچی موترلری یوک آرتیشنی باشله‌گن و بو گون ایرته‌لب عطاری-واگه بندرگاهی‌ده بوشله تیله‌دی. بو یاردم‌لر بوگون توش‌دن کیین ساعت ۴ ده افغانستان گه انتقال بیریلیشی کوتیله‌دی.
