هندوستان تایمز کوندهلیگی گزارش بیریشیچه، پاکستان حاضرگچه چیگرهسیدن هند نینگ کمکی دارو و ۵۰ مینگ تُن بوغدایی افغانستان گه انتقال بیریلیشی اوچون رخصت بیرمهگن. بو هندی رسانهدن نقل قیلینیشیچه، پاکستان بوندن آلدین اوز توپراغیدن قولهنیب هند کمکی محمولهلری افغانستان گه انتقال بیریلیشی اوچون رخصت بیرگن ایدی، بیراق حاضرگچه اوشبو سوزی عملی بولمهگن.
هندوستان تایمز نینگ ایتیشیچه، واگه چیگرهسیدن افغانستان گه هند یاردملری نینگ انتقال بیریلیشی اوچون بعضی شرطلر قوییلگن. پاکستان، هندگه اورغولشیچه، ۵۰ تنلی بوتون کمکی محمولهلر دسیمبر آیی ده انتقال بیریلسین؛ شوندهی بیرحالده هندی رسمیلری گه کوره، واگه یولی دن یلغوز کمیده ۳۰ الی ۴۰ یوک تشووچی موتر انتقال بیریلهدی و بوتون ۵۰ مینگ تن تعیینلنگن نینگ بیر زمانده انتقال بیریلیشی ممکن ایمس.
بیزلرنینگ فیسبوک صحیفهمیزگه باش اورینگ!
بوندن آلدین هم، میلادی جاری ییل نینگ اوکتوبر آیی ده هند افغانستان ده انسانی وضعیت نینگ یمانلنیشی باعث، واگه چیگرهسیدن اوشبو یشاوچیلر گه ساغلیک تجهیزات و ۵۰ مینگ تن بوغدای یوباریش نی پیشنهاد بیرگن ایدی. پاکستان اوشبو زمینهده همکارلیک نی قبول قیلیشی بیلن ایتگن که یاردملر نینگ انتقال بیریلیشی اوچون افغانستان نینگ یوک تشووچی موترلریدن قولنیلیشی کیرهک.
عین حالده، اسلامی امارت تشقی ایشلر وزیرلیگی سرپرستی امیرخان متقی، اوتگن آی اسلامآباد گه قیلگن سفریده پاکستان رسمیلریدن اوشبو مملکت نینگ توپراغیدن افغانستان گه هند نینگ کمکی بوغدای یوباریشی گه رخصت بیریشلری نی سورهگن. پاکستان باش وزیری عمران خان توییتر صحیفهسیده اعلام قیلیشیچه، افغانستان یشاوچیلری گه یاردم بیریش اوچون، اوشبو مملکت نینگ ییر چیگرهسی آرقهلی هند نینگ بوغدای یوباریشی گه اسلامی امارت ایستهگنی قبول قیلگنلر.
هند حاضرگچه اسلامی امارت حکومتی نینگ رسمیت گه تانیمهگن بیرحالده، بیراق نیچه مرته اعلام قیلیشیچه، افغانستانده انسانی فاجعه گه توجه قیلیش بیلن اوشبو مملکت یشاوچیلری گه یاردم بیرهدی. حاضرگچه هند تامانیدن ۱.۶ تن دارو کابل گه یوباریلگن دیر.