بلخ سودا و سرمایه کیریتیش اتاقی مسئوللری، اوشبو ولایتدن قوروق میوه صادر قیلیش جریانی اوتگن ییلگه نسبتن ۶۴ فایز آشگنیدن خبر بیرگنلر.
بلخ سودا و سرمایه کیریتیش اتاقینینگ مطبوعات مسئولی عصمتالله اسحاقزی گه کوره، اوشبو قویاش ییلنینگ دستلبکی آلتی آییده حیرتان بندری آرقهلی توقیز مینگ ۵۰۰ تُن قوروق میوه صادر قیلینگن.
اوشبو قوروق میوهلرنینگ قیمتی ۳۰ میلیون دالر بولیب و کوپراق امریکا، فرانسه، تورکیه، چین، جرمنی، هندوستان، قزاقستان و باشقه بعضی مملکتلر گه صادر قیلینگن دییدی، عصمتالله اسحاقزی.
شو بیلن بیرگه سوداگرلرنینگ ایتیشیچه، دنیا بازارلریده افغانستان قوروق میوهسی اوچون طلب آشگن، مرکزی همده جنوبی آسیا مملکتلریگه قوشیمچه، ایندی بو محصول اروپا بازارلریگه هم صادر قیلینماقده.
بلخ سودا و سرمایه کیریتیش اتاقینینگ معلوماتیگه کوره، بادام، مهییز، قوریتیلگن قاوون، پسته همده بو ولایتنینگ باشقه قوروق میوهلری چیتایل گه صادر قیلینگن.
