اسلام امیرلیگی صناعت و سودا وزیرلیگی، اوتگن بیر ییل دوامیده افغانستاندن ۲۴۰ تُن قوروق میوه صادر قیلینگنینی بیلدیردی.
اوشبو وزیرلیک سوزلاوچیسی محمدآصف الیاس گه کوره، افغانستاندن خارج گه صادر قیلینگن میوهلر قیمتی ۷۹۴ میلیون دالر بولگن. او شوندهی دییدی: «سونگی بیر ییل دوامیده افغانستان عمومی قیمتی ۹۰۰ میلیون دالر بولگن ۵۰۰ مینگ تُندن آرتیق قوروق و تازه میوه صادر قیلگن. اوشبو مقداردن ۲۴۰ مینگ تُننی قوروق میوه تشکیل ایتهدی.»
باشقه تاماندن، افغانستان سودا و سرمایه کیریتیش اتاقینینگ ایتیشیچه، قوروق میوه صادراتینی آشیریش و اونینگ بازارلرینی کینگهیتیریش مقصدیده، تیگیشلی دولت ادارهلری بیلن همکارلیکده سوداگرلر و صادر قیلووچیلر اوچون ینهده کوپراق امکانیتلر یرهتیش اوستیده ایش آلیب بارهیاتگنینی ایتگنلر. افغانستان سودا و سرمایه کیریتیش اتاقینینگ علاقهلر بوییچه آمری احسانالله احسان شوندهی دییدی: «افغانستان سودا و سرمایه کیریتیش اتاقی باغلیق ادارهلر بیلن همکارلیکده مملکت صادراتینی آشیریش اوچون کوپراق قولیلیک کیلتیریش گه سعی-حرکت قیلماقده.»
شو بیلن بیرگه، ایریم قوروق میوه سوداگرلری هم، ترانزیت بولیمیده خرهجتلر کمهیشی و کوپراق قولیلیکلر کیلتیریشینی سورهیدیلر. قوروق میوه ساتووچیسی بولگن سلمان رهانینگ ایتیشیچه: «قوروق میوه بوندن ایلگری پاکستان یونهلیشی آرقهلی باشقه مملکتلر گه صادر قیلینردی، مصرفی کم ایدی؛ تورخم چیگرهسی یاپیلگچ، صادرات ییر آرقهلی تشیلیشی کیرهک، بوندهی حالتده ترانسپورت مصرفی آشهدی و بو معما تیزلیک بیلن حل ایتیلیشیگه امید بیلدیرهمیز.»
ایریم اقتصاد شناسلرنینگ ایتیشیچه، قوروق میوه صادراتینی آشیریش اوچون محصولاتنینگ ستندرد شکلده پاکتلش، ترانسپورت خرهجتلرینی کمهیتیریش و افغانستان میوهلریگه مناسب بازار قیدیریش و اونی تانیشتیریش اوچون خلقارا کورگزمهلر اوتکزیلیشی گه دقت قیلینیشی کیرهک.
اقتصاد شناس عبدالنصیر رشتیا شوندهی دییدی: «ستندرد پاکتلش و ستندرد توزیش ساحهسیده ایریم ایشلر بولگن، اونینگ یانیده خلقارا کوگزمهلر اوتکزیلیشی میوهلر ساتیلیشی و یخشی بازار تاپیلیشی گه یاردم بیرهدی، ترانسپورت نرخی کمهیتیریلیشی کیرهک.»
سونگی ییللرده، افغانستاندن دنیا بازارلری گه قوروق میوه صادر قیلینیشی سیزیلرلی درجهده کوپهیگن و بو مملکت بای طبیعی منبعلریدن فایدهلنیب، منطقهده قوروق میوه صادر قیلوچیلردن بیریگه ایلنیشی ممکن.
