اسلام امیرلیگی صناعت و سودا وزیرلیگی، افغانستان میلادی ۲۰۲۵-ییلنینگ سکیز آییده ۲۲۲ میلیون دالردن آرتیق قوروق میوه صادر قیلگنینی معلوم قیلدی.
اوشبو وزیرلیک ۱۹-میزان، شنبه کونی بیر بیانیه ترقهتیب، بو رقم میلادی ۲۰۲۴-ییلنینگ خودی شو پیتیده قریب ۱۷۹ میلیون دالر بولگن – سیزیلرلی کوپهیشنی کورستهدی دیب یازگن.
صناعت و سودا وزیرلیگینینگ بیانیهسی گه کوره، سکیز آیده تورلی خیل قوروق میوه هندوستان، پاکستان، بیرلشگن عرب امیرلیگی، روسیه، چین، انگلستان، جرمنی، کانادا، ایتالیا و باشقه بیرقطار مملکتلر گه صادر قیلینگن.
افغانستان منطقهده قوروق میوه صادر قیلووچیلردن بیری حسابلنهدی و اونینگ محصولاتلری طبیعی طعمی همده یوقاری صفتی سببلی جهان بازارلریده علیحده اورینگه ایگه.
