بادام مملکت نینگ قوروق میوه‌لریدن حسابلنهدی. اوشبو محصول، هر ییل تشقی مملکت‌لر گه صادر بوله‌دی و کوپینچه شهرت گه ایگه دیر. قندوز ده‌گی باغدارلر هر ییل اوشبو ولایت بادام محصول‌لریدن یخشی فایده قولگه کیلتیره‌دیلر.
گرچند اوتمیش ییل‌لر جریانیده باغدارلر اوروش و ناتینچ‌لیک قیین‌چیلیک‌لری سبب، راحت بیر شکلده بادام‌لری نینگ حاصلی نی توپلب و مرکزی گه کیتیره آلمه‌یدیلر؛ بیراق بو ییل بو توغریده هیچ بیر قیین‌چیلیک‌لری یوق دیر.
مذکور ییل قندوز‌ده‌گی باغدارلر اوشبو ولایت بادام حاصلاتی نینگ کوپه‌ینگی‌دن خبر بیرگنلر، لیکن درست بازار یوقلیگی و اوشبو محصول نینگ مملکت‌دن تشقی گه صادر بولمه‌یشی خصوصیده خواطر بیلدیرگنلر.
بیزلرنینگ توییترده هم تعقیب قیلینگ!
ینگی‌لیکده باغی‌ده‌گی بادام حاصل‌لری نی توپلب و اوشبو ولایت نینگ اینگ بویوک بازی گه ساتیش اوچون کیلتیرگن قندوز‌ده‌گی باغدارلردن بیری عبدالرحیم نینگ ایتیشیچه، اوشبو ییل مذکور محصول ساتیلیشی اوچون یخشی بازار موجود ایمس.
اوشبو قندوز‌لیک باغ‌دار گه کوره، سوداگرلر اوشبو محصول‌لر نی مملکت‌دن تشقی گه انتقال بیرگنلری صورت‌ده، اولر نینگ بازارلری یخشی بولیشی ممکن.
اونینگ کوپه‌یتیریشیچه: «بو ییل بادام حاصلاتی کوپ یخشی ایدی؛ لیکن نرخ‌لر بیراز کمه‌یگن. سوداگرلیک بولمه‌یدی. سوداگرلیک بولگنی صورت‌ده، نرخ‌لر هم یخشی بوله‌دی.»
قندوز امام‌صاحب تومنی نینگ «زرکمر» قیشلاغ یشاوچیلریدن دوست‌محمد نینگ ایتیشیچه، اوشبو ییل اوتمیش ییل‌لر گه قره‌گنده بادام حاصلری نظیری کوریلمه‌گن درجه‌ده کوپه‌یگن. اونگه کوره، بازار یوق و مسئوللردن اولر اوچون مناسب بازار ایجاد ایتیلیشی نی ایسته‌یدیلر.
شونینگدیک قندوز شهری نینگ بادام سرایی‌ده‌گی دوکان‌دارلریدن سید‌علم، بادام حاصلاتی نینگ کوپه‌یگنی نی بیان قیلیب و ایتیشیچه، اوتمیش‌لرده ناتینچ‌لیک و آتیشمه‌لر سبب، تومن‌لردن بادام ساتیب آلیش‌لری ممکن ایمس ایکن.
اونگه کوره، بازار‌ده اینگ ساتیله‌دیگن بادام، «ستاربایی» یا-ده کاغذی بادام دیر و اونینگ هندوستان گه صادر بولیشی سبب، کوپینچه علاقه‌مندلری بار.
شونده‌ی بیرحالده، قندوز ایکینچیلیک ریاست سرپرستی عبدالغفار صدیقی نینگ ایتیشیچه، اوشبو ییل اوتمیش ییل گه قره‌گنده بادام حاصلاتی ۳۰ فایز کوپه‌یگن دیر.
صدیقی گه کوره، ایکینچیلیک ریاستی باغدارلر گه ویروس‌لر نینگ اورته‌دن کیتیشی اوچون کیفیت‌لی دارو ترقتگن. اونینگ کوپه‌یتیریشیچه، اولر اوتمیش ییل‌‌ده اصلاح بولگن بادام نهاد‌لری نی باغدارلردن قطاری گه ترقتگن ایکنلر و شونینگدیک کیله‌جک‌ده هم میوه‌لی و اصلاح بولگن نهاد‌لر نینگ ترقه‌تیش‌لری ممکن.
بیزلرنینگ فیسبوک صحیفه‌میزگه باش اورینگ!
عبدالغفار صدیقی نینگ ایتیشیچه: «اوتگن ییل ۶۵۸۰ هکتار ییر گه بادام ایکیلگن ایدی که اوشبو ایکیلگن ییرلردن ۶۵۱۱ تُن بادام توپلنگن. شونینگدیک اوشبو ییل مذکور ساحه‌لردن کمیده ۸۴۶۵ تُن بادام توپلنیشی ممکن که اوتمیش ییل گه قره‌گنده ۳۰ فایز کوپه‌یگنی نی کورسته‌دی.»
قندوز مملکت نینگ شمال‌شرقی‌ده ایکینچیلیک ولایت‌لردن حسابلنهدی که مناسب هوا گه ایگه بولگنی سبب، باغ‌دارلرلیک اوچون یخشی دیر. اوشبو ولایت‌ده فرق‌لی بادام‌لر موجود دیر که اولردن ستاربایی، قنبری، قهاربایی، مروجی و واحدی اینگ مشهورلریدن دیر. امام‌صاحب، چهاردره و قلعۀزال تومن‌لری قندوز ده بادام تولیدقیلووچیلردن حسابلنهدی.
