میدان‌وردک یشاوچیلریدن قطاری نینگ سلام‌وطندار گه ایتیشلریچه، اوتمیش ییل‌لر گه قره‌گنده بو ییل گیلاس و باغ‌لری یخشی حاصل بیرگن، بیراق یخشی بازار یوق‌لیگی باعث، باغدارلردن بیر قطاری اوز محصول‌لرینی یریم قیمت گه ساته‌دیلر.
باغدارلر اسلامی امارت مسئوللریدن، مملکت ایچیده و تشقری ده محصولات‌لری اوچون مناسب بازار تاپیش‌لرینی سوره‌یدیلر.
میدان‌وردک ده‌گی باغدارلردن سیدرسول نینگ ایتیشیچه: «میدان‌وردک ده گیلاس ینگی بیر میوه دیر، باغ‌لری یخشی نتیجه بیرگن. باغ ایگه‌لری هر ییلی یخشی حاصل آلیشه‌دی، بیراق محصولات‌لری اوچون یخشی بازار یوق دیر.»
بیزلرنینگ فیسبوک صحیفه‌میزگه باش اورینگ!
میدان‌وردک ده‌گی باغدارلردن باشقه بیری جان‌آغا گه کوره: «باغ‌لریمیزده گیلاس یخشی حاصل بیرگن. تاتلی و صفتلی میوه دیر. کوریب توریب سیزلر گیلاس‌لر ییرگه توکیلگن، یخشی بازار یوق‌لیگی اوچون یریم قیمت گه ساتیله‌دی. باغ ده بیر سیر گیلاس ۸۰ افغانی دن آلیب ۱۰۰ افغانی گچه ساتیله‌دی.»
میدان‌وردک ایکینچیلیک، چارواچیلیک و سوغاریش ریاست مسئوللری، گیلاس یخشی حاصل بیریشینی تصدیقلب ایتیشلریچه، اوشبو محصول اوچون یخشی بازار قیدیریش مقصدیده سعی و حرکت قیلماقده‌لر.
میدان‌وردک ایکینچیلیک باشلیغی عبدالجبار خالد نینگ سلام‌وطندار گه ایتیشیچه، کیله‌جک ده اوشبو ولایت نینگ اوزاق حدودلریده گیلاس باغ‌لرینی قوریشنی نظرگه آلگنلر.
اونینگ ایتیشیچه: «مملکت بویلب میدان‌وردک، گیلاس حاصلی یخشی نتیجه بیرگن ولایت‌لردن دیر. بو ولایت نینگ اوزاق حدودلریده گیلاس باغ‌لرینی قوریشنی نظرگه آلگن‌میز. بازار یوق‌لیک قیینچیلیگی حلی اوچون تلاش قیله‌یپمیز.»
بیزلرنینگ توییترده هم تعقیب قیلینگ!
تازه میوه موسومی ییتیب کیلگن بیرحالده میدان‌وردک ده‌گی باغدارلر، اولکه بویلب ایچکی بازارلر اهالی نینگ اقتصادی ضعیف‌لیگی طفیلی اوز توسینی قولدن بیریب و گیلاس محصولات‌لری خارجی بازارلر گه صادر ایتیلمسلیگی باعث ایریم قیینچیلیکلر گه روپه‌ره ایکنلیکلریدن شکایت قیله‌دیلر.
