فاریاب ولایتی قیصار تومنی باغدارلریدن بیرقطاری نینگ ایتیشلریچه، اوشبو تومنده اوزوم، شفتالو و آلمه کبی میوه‌لر کوپ حاصل بیرگن، بیراق ساووقخانه یوق‌لیگی و قتناو یوللر بوزوق‌لیگی باغدارلرنی ایریم قیینچیلیککه روپه‌ره قیلیب و میوه‌لری بوزیلیشی گه سبب بوله‌دی.
فاریاب ولایتی قیصار تومنی باغدارلریدن بولمیش حاجی عبدالوهاب نینگ سلام‌وطندار گه ایتیشیچه، مملکت بویلب یامغیر یاغمسلیگی و سوو تنقیص‌لیگی طفیلی مذکور تومن ده‌گی کوپ سانده باغ‌لر اورته دن کیتگن.
عبدالوهاب نینگ ایتیشیچه، اوتگن ییل‌لر گه نسبتن بو ییل اوشبو تومن ده همه میوه‌لر کوپ حاصل بیرگن، بیراق ساووقخانه یوق‌لیگی و محصولات‌لرینی قیصار نینگ قیشلاق‌لریدن شهر مرکزی گه انتقال بیریش اوچون قتناو یوللر بوزوق‌لیگی باعث، باغدارلر زیان کوره‌دیلر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «قیصار نینگ شفتالو و مه‌ییز کبی میوه‌لری دنیا بازارلری ده مشهور دیر، بیراق ساووقخانه یوق‌لیگی و قتناو یوللر بوزوق‌لیگی باعث کوپ قیینچیلیک‌لر گه روپه‌ره میز، قیصار ده بیر سیر آلمه ۱۵۰ افغانی دیر، عین‌حالده شهرلرده بیر کیلو آلمه ۱۲۰ افغانی دیر، ساووقخانه بولگن تقدیرده، روزغار خرجتینی میوه‌لر آرقه‌لی تأمینلش ممکن.»
قیصار تومنیده‌گی باغدارلردن باشقه بیری مسعود نینگ سلام‌وطندار گه ایتیشیچه، قیصار یشاوچیلری نینگ برچه‌سی ایکینچیلیک و باغدارلیک ایشلری بیلن شغللنه‌دیلر، لیکن محصولات‌لری اوچون ساووقخانه یوق‌لیگی اولرنی تورلی خیل قیینچیلیککه روپه‌ره قیلگن، حتا بوگونگی میوه‌لرینی بازار گه ساته آلمه‌گن تقدیرده، کیینگی کون میوه‌لری خراب بوله‌دی.
مسعود گه کوره: «بیز ایکینچیلیک و باغدارچیلیک ایشلر بیلن شغللنه‌میز، باغدارلیک بولیمیده قیینچیلیگیمیز جدا هم کوپ، بیز نینگ اساسی قیینچیلیگیمیز ساووقخانه یوق‌لیگی دیر، چونکه شفتالونی تیریب اوشه کونده ساته آلمسک کیینگی کونگچه بوزیله‌دی، اگر ساووقخانه بولسه، محصولات‌لریمیزنی اسره‌ب مناسب نرخ ده ساتیشیمیز ممکن.»
فاریاب ایکینچیلیک اورین باسری نورالهدا متوکل، فاریاب ولایتی قیصار تومنی باغدارلری نینگ قیینچیلیکلرینی تصدیقلب ایتیشیچه، بو ییل قیصار ده میوه‌لر یخشی حاصل بیرگن، باغدارلر نینگ اساسی قیینچیلیگی ساووقخانه یوق‌لیگی دیر که بو قیینچیلیک حلی اوچون سعی وحرکت قیلماقده میز.
بیزلرنینگ توییترده هم تعقیب قیلینگ!
فاریاب ایکینچیلیک اورین باسری نورالهدا متوکل نینگ ایتیشیچه: «الحمدلله بو ییل فاریاب ولایتی باغدارلری یخشی حاصل آلیشگن، بیراق دهقان‌لر نینگ قیینچیلیکلرینی دفترلر بیلن شریک قیلدیک، اولر نیچه تومنده ساووقخانه قوریش‌لریدن ۵۰ ایشانچ بیلدیردیلر.»
شونینگدیک قیصار تومنی دهقان‌لری و باغدارلری، افغانستان اسلامی امارت حکومتیدن، دهقان‌لر و باغدارلر نینگ قوللب_قوتلش گه قوشیمچه، اولر گه ساووقخانه ایجاد ایتیش و قیشلاق‌لر آره‌سیده‌گی قتناو یوللرنی قیته قوریش خصوصیده دقت قیلیش‌لرینی طلب قیله‌دیلر.
