طبیعی آفت‌لرنی باشقریش بوییچه دولت وزیرلیگی نینگ ایتیشیچه، غزنی، زابل، هلمند، قندهار، کنر، نورستان، پکتیا و پکتیکا، اوروش‌لر جریانیدن پارتلمه‌ی قالگن ماده‌لر موجود بولگن ولایت‌لردن دیر که، دایم یشاوچیلردن قربان‌لیک آله‌دی.
شونده‌ی بیرحالده، طبیعی آفت‌لرنی باشقریش بوییچه دولت وزیرلیگی نینگ ماین‌تازه‌لش هماهنگ قیلووچی و انسجام رئیسی نورالدین رستم‌خیل نینگ سلام‌وطندار گه ایتیشیچه، حاضر ایسه افغانستان ده پارتلش ماده‌لردن تازه‌لنمه‌گن بیر مینگ و ۵۰۰ کیلومتر مربع ساحه بار که اونینگ تازه‌لنیشی اوچون، ییل‌ده ۵۰ میلیون دالر گه نیاز دیر.
بیزلرنینگ فیسبوک صحیفه‌میزگه باش اورینگ!
عین حالده، طبیعی آفت‌لرنی باشقریش بوییچه دولت وزیرلیگی مسئوللری نینگ کوپه‌یتریش‌لریچه، حاضر ایسه اوچ خلق‌ارا موسسه و آلتی ایچکی موسسه، آلتی مینگ ایشلاوچی بیلن ۲۷ ولایت‌ده اوروش‌لر جریانیدن قالگن ماده‌لر و ماین تازه‌لش بیلن شغللنگنلر.
شونده‌ی بیرحالده، اوروش‌‌دن قالگن ماین‌لر نینگ پارتلشی عاقبتیده قربان بولگن‌لر نینگ عایله‌لری گه کوره، حاضرگچه پارتلمه‌گن ماده‌لر، اولر نینگ ساغلیگی نی تهدید قیلماقده دیر.
اوچ کون آلدین اوروش‌لر جریانیدن قالگن ماده نینگ پارتلیشی عاقبتیده، فاریاب یشاوچیسی غلام‌سخی نینگ عایله‌سیده‌گی باله‌لریدن بیری قربان بولگن. اونینگ ایتیشیچه: «اوچ کون آلدین المار تومنی‌ده عایله‌میزدن بیر باله پارتمه‌ی قالگن ماین نینگ پارتلیشی عاقبتیده هلاک بولدی. بیزلر اسلام امیر‌لیگی‌دن حیات کیچیره‌دیگنی‌میز ساحه‌لر نی ماین‌لردن تازه‌لنشی نی ایسته‌گنلر.»
بیزلرنینگ توییترده هم تعقیب قیلینگ!
عین حالده، اوتگن کون، بیرلشگن ملت‌لر تشکیلاتی نینگ انسان‌دوستلیک یاردم‌لر هماهنگ قیلووچی دفتری یا-ده اوچا ایتگن که، افغانستان دنیا مملکت‌لری آره‌سیده پارتلمه‌ی قالگن ماین‌لر موجود بولگن مملکت‌لردن دیر.
ایتیش کیره‌ک که، بوندن آلدین هم طبیعی آفت‌لرنی باشقریش بوییچه دولت وزیرلیگی، اوتگن بیر ییل‌ده مملکت نینگ تورلی ولایت‌لریده پارتلمه‌ی قالگن ماده‌لر نتیجه‌سیده بیر مینگ و ۴۴۰ کیشی نینگ اولیب و یره‌لنگن نی بیان قیلگن ایدی.
