دنیا بانکی کمیده سونگی ایکی دهه‌ده افغانستان ده آستقورمه و رواجلنیش لایحه‌لر نینگ مالی تمویل قیلووچی ییریک نهاد‌لردن بیری ایدی، بیراق اوشبو ییریک نهاد افغانستان ده رواجلنیش لایحه‌لر نینگ عمل گه آشیریش اوچون یاردم‌لرینی ۲۰۲۱-ییل ۱۵-اگست‌دن کیین، توخته‌تگن.
افغانستان بوییچه بیرلشگن ملت‌لر تشکیلاتی نینگ مخصوص هماهنگ قیلووچیسی فریدون سینیرلی اوغلو، سه‌شنبه کونی اسلام امیرلیگی باش وزیرلیگی سیاسی اورین باسری محمد عبدالکبیر بیلن اوچره‌شگنی‌ده ایتیشیچه، دنیا بانکی یقین‌ده افغانستان حقیده بیر ییغین یولگه قوییشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ارگ ایکس صحیفه‌سیده بیر خبرنامه ترقه‌تیش بیلن یازیشیچه، افغانستان‌ده بانکی تیزیم رواجلنیشی، افغانستان‌گه قرشی بولگن تحریم‌لر یکونلنیشی و شونینگدیک افغانستان‌ده دنیا بانکی نینگ یکونلنمه‌ی قالگن لایحه‌لرینی عملگه آشیریلیش ایشی قیته باشلنیشی، اوشبو ییغین‌ده صحبت قیلینه‌دیگن موضوع‌لردن بولیشی ممکن.
ارگ خبرنامه‌سیده اوشبو ییغین نینگ وقتی و مکانی خصوصیده هیچ نرسه دییلمه‌گن؛ بیراق اونینگ بیر بولیمی‌ده افغانستان بوییچه بیرلشگن ملت‌لر تشکیلاتی نینگ مخصوص هماهنگ قیلووچیسی فریدون سینیرلی اوغلو دن نقل قیلینیب یازیلیشیچه: «دنیا بانکی تیز آره‌ده افغانستان خصوصیده بیر ییغین اوتکزه‌دی، بو ییغین‌گه افغانستان‌ده بانکی تیزیم رواجلنیشی، افغانستان‌گه قرشی بولگن تحریم‌لر یکونلنیشی و شونینگدیک افغانستان‌ده خلق‌ارا بانکی نینگ یکونلمه‌ی قالگن لایحه‌لرینی عملگه آشیریش ایشی قیته باشلنیشی توغریسیده فکر المشتیریله‌دی.»
اوشبو اوچره‌شووده باش وزیرلیک سیاسی اورین باسری محمد عبدالکبیر، افغانستان ده دنیا بانکی نینگ یکونلمه‌ی قالگن لایحه‌لری قیته باشلنیشی‌دن خورسند‌لیک بیلدیرگن.
عین حالده، اقتصاد وزیرلیگی دنیا بانکی نینگ بو اقدامی‌دن خورسند‌لیک قیلیب ایتیشیچه، اقتصادی تحریم‌لر آلینیشی و افغانستان ده دنیا بانکی نینگ یکونلمه‌ی قالگن لایحه‌لری قیته باشلنیشی، افغانستان نینگ اقتصادی قیین‌چیلیک‌لردن قوتقریش اوچون یاردم بیریشی ممکن.
بو توغریده اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه: «اوتگنلرده دنیا بانکی اقتصادی و آستقورمه لایحه‌لر نینگ اینگ بویوک تأمین قیلووچیسی ایدی و اونینگ فعالیتی قیته باشلنیشی مملکت اقتصادی وضعیتی خصوصیده فایده‌لی بولیشی ممکن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، اقتصادی مسئله‌لر بیلرمانی عبدالنصیر رشتیا، افغانستان ده دنیا بانکی فعالیت‌لری قیته باشلنیشی فایده‌سی خصوصیده ایتیشیچه: «دنیا بانکی لایحه‌لری که اوتمیش‌ده ۷ مینگ ۵یوز بولیب و ۱۰۰ مینگ کیشی ایش بیلن شغللنگن لایحه‌لر نینگ قیته باشلنیشی، یخشی بیر سوز دیر. شونینگدیک بیزلر نینگ باشقه قیین‌چیلیکلریمیز بانکی چیکلاولر دیر. بو قیین‌چیلیک حل بولگنی و لایحه‌لر باشلنگنی‌ده، بیزلر نی دنیا بیلن کوپینچه اقتصادی و سیاسی تعامل‌لر گه یقینراق قیله‌دی.»
ایتیش کیره‌ک که، اوتگن ایکی ییل‌ده دنیا جماعه‌سی افغانستان سرپرست حکومتی نینگ رسمیت گه تانیمه‌گنی بیلن، انسان‌پرورلیک یاردم‌لر ارائه قیلینیشی آرقه‌لی مملکت نینگ اقتصادی وضعیتی نی حل قلییش خصوصیده سعی و حرکت قیلگن.
