افغانستان بوییچه آمریکا و ناتو کوچلری نینگ عمومی قومندانی اسکات میلر نینگ ایتیشیچه، چیت‌ایللیک کوچلرنینگ پایگاه‌لرینی بوشه‌تیش جریانی باشلنگن.
بوگون “یکشنبه” جناب میلر نینگ کابلده خبرچی‌لر بیلن اوتکزگن صحبتیده ایتیشیچه، چیت‌ایللیک کوچلر بوتون پایگاه‌لرینی افغانستان امنیتی و دفاعی کوچلریگه تاپشیره‌دی.
اسکات میلر طالبان تامانیدن زوروانلیک‌لر کوپه‌یتیریلیشیدن خواطر بیلدیریب ایتیشیچه، بو وضعیت تینچلیک جریانی‌گه قرشی زیان ییتیشتیره‌دی.
ناتو نینگ عمومی قومندانی نینگ تاکید قیلیشیچه، افغانستان امنیتی کوچلریدن حمایت قیلیش‌گه دوام بیره‌دیلر. اونینگ ایتیشیچه، آمریکا کوچلریگه افغانستان حربی کوچلریدن اوزاق جای‌لردن حمایت قیلیش ظرفیتی بار دیر.
ایتیلیشیچه، آمریکا جمهور رییسی جو بایدن نیچه پیت آلدین اوشبو مملکت حربیلری نینگ افغانستاندن چیقیش برنامه‌سینی اعلان قیلگن ایدی، مذکور برنامه‌گه کوره، آمریکا حربیلری نینگ افغانستاندن چیقیش جریانی ۱۱ سپتامبر گچه یکونلنه‌دی. شونینگدیک، آمریکا متحدلری نینگ اعلان قیلیشیچه، بیرلیکده افغانستان‌گه کیلگن‌لر و بیرلیکده افغانستاننی ترک قیلیش‌لری ممکن.
