اوشبو هفته شنبه کوندن بویان -۱۴ عقرب، قطار مملکت‌لر نینگ نماینده‌لری دنیا بویلب اقلیم اوزگریشی بحرانی اوستیگه بحث ایتیش مقصدیده، مصر نینگ شرم‌الشیخ شهری ده توپلنگنلر.
شو بیلن بیرگه، افغانستان نینگ سیاسی وضعیتی بیللی ایمسلیگی باعث، مملکت نماینده‌لیگیدن هیچ کیم اوشبو ییغیلیشده اشتراک ایته آلمه‌گن.
اطراف-محیط نی محافظه قیلیش ملی اداره نینگ ایتیشیچه، مذکور ییغیلیشده اشتراک ایتیش مقصدیده افغانستان نینگ اقلیمی اوزگریشی، زیان‌لری و نیازمندلیکلری، تخنیکی قیینچیلیکلری و اقلیم اوزگریشی گه قرشی کوره‌ش اوچون ملی حجت تیارله‌گندی؛ بیراق سعی و حرکت‌لر بیلن اشتراک ایتیش رخصتی بیریلمه‌گن.
بیزلرنینگ فیسبوک صحیفه‌میزگه باش اورینگ!
اطراف-محیط نی محافظه قیلیش ملی اداره سرپرستی حافظ عزیزالرحمان نینگ ایتیشیچه: «تشقی ایشلر وزیرلیگی نینگ یاردمی بیلن اوشبو ییغیلیشده قتنه‌شیب و ۴۰ میلیون افغانستان‌لیک نینگ آوازینی ییتکیزیش مقصدیده کوپ سعی و حرکت قیلدیک، لیکن هیچ کیم بیزنی آوازیمیزنی تینگلمه‌دی.»
اطراف-محیط نی محافظه قیلیش ملی اداره نینگ معلوماتی اساسیده، سونگی ییل‌لرده مملکت نینگ یشش محیطی گزارشی، خلقارا آب‌و هوا اوزگریش کنوانسیونی بیلن پایله شیلمه‌گن.
اطراف-محیط نی محافظه قیلیش ملی اداره نینگ اقلیم اوزگریش باشلیغی روح‌الله امین گه کوره: «۲۰۱۹-ییلی افغانستان نینگ ایکی ییل‌لیک بیرینچی گزارشینی رسمی روشده کنوانسیون گه تسلیم قیلدیک، ایکینچی حجتی تیارلنیشی کوتیلر ایدی که حاضر توخته‌گن.»
ایش بیلرمان‌لر نینگ ایتیشلریچه، آب‌و هوا اوزگریش کنوانسیونی گه گزارش بیریلمسلیگی، دنیا مملکت‌لری اقلیم اوزگریشی بولیمیده افغانستان برابریده بی فرق بولیش‌لری گه سبب بولگن.
یشش محیط ایش بیلرمانی کاظم همایون نینگ ایتیشیچه، اوتگن ییل‌لرده افغانستان گه خلقارا قانون-قاعده‌لر اساسیده ۱ میلیارد ۲۰۰ میلیون دالر یاردم بیریلیشی قبول قیلینگن ایدی؛ بیراق اوشبو یاردم‌لر توزیع قیلینیشی و نظارت ایتیلیشی اوچون تخنیکی تیم کیره‌ک ایدی.
بیزلرنینگ توییترده هم تعقیب قیلینگ!
شو بیلن بیرگه، حاضر مملکت بویلب یشش محیط گه عاید ۳۲ پروژه ایشی توخته‌گن.
اطراف-محیط نی محافظه قیلیش ملی اداره نینگ معلوماتی اساسیده، کوک اقلیم صندیغی دن ۱۴ پروژه، خلقارا یشش محیط تاثیراتیدن ۱۵ پروژه، سازگارلیک صندیغی دن ایکی پروژه و افغانستان ده مهاجرت تشکیلاتی دن بیر پروژه، اوشبو پروژه‌لر ارا شامل دیر.
افغانستان اقلیم اوزگریشی بحرانی بیلن دوچ ایکن مذکور پروژه‌لر ایشی توخته‌یشی، افغانستان ده اقلیم اوزگریش تأثیرات‌لرینی آغیرلشتیریشی ممکن.
عین‌حالده، افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری یا یوناما، ینگی‌لیکده بیر بیانیه ترقه‌تیب ایتیشیچه، افغانستان اقلیم اوزگریشیدن تأثیرلنگن آلتینچی مملکت رویخطی ده قرار تاپگن.
