ایران میدیالریده ترقهتیلگن گزارش اساسیده، اوشبو مملکت تشقی ایشلر وزیری حسین امیرعبدالهیان، سونگی آیلرده سوریه، عراق و لیبیا نینگ ایریم منطقهلریدن داعش گروهی رهبرلری نینگ افغانستان گه انتقال بیریلگنینی ادعا قیلگن که؛ مذکور ادعا اسلام امیرلیگی تشقی ایشلر وزیرلیگی تامانیدن رد بولگن.
اسلام امیرلیگی تشقی ایشلر وزیرلیگی سوزلاوچیسی قهار بلخی آرقهلی ترقهتیلگن اعلامیهده، مذکور وزیرلیک ایران تشقی ایشلر وزیرلیگی ادعاسی نی رد قیلیب، مملکتلردن بو کبی فکر و ادعالر اورنیده، اوز چیگرهلری نینگ خوفسیزلیگی تامینلنیشی خصوصیده جدی بولیشلری نی ایستهگن.
اعلامیه نینگ بیر بولیمیده کیلیشیچه: «ایران نینگ افغانستان گه داعشلر انتقال تاپیشی خصوصیده معلوماتی بولگنی بیرحالده، بیزلر بیلن اوشبو معلومات نینگ شریک قیلینشی کوتیب تورگنمیز که، بو رقم افغانستان خوفسیزلیک کوچلری اونینگ خصوصیده کیرهکلی حرکتلر نی انجام بیرسینلر. ایتیش کیرهک که، افغانستان ذکر بولگن عربی مملکتلر بیلن چیگرهداش ایمس، مسئولیت نینگ باشقه کیشیلر بوینیگه تشلنیشی اورنیده، مملکتلر چیگرهلری نینگ خوفسیزلیگی خصوصیدهگی خلقارا مکلفیتلری نی انجام بیریشلری یخشی دیر.»
بیزلرنینگ توییترده هم تعقیب قیلینگ!
افغانستان ده داعش گروهی نینگ حضوری خصوصیده دنیا جماعه نینگ خواطرلری یانیده، اسلام امیرلیگی القاعده کبی باشقه گروهلر بیلن رابطهسی بولگنی گه عیبلنگن.
نیچه مدت آلدین امریکا جمهور باشلیغی جو بایدن، اسلام امیرلیگی یاردمی بیلن القاعده نی مغلوب ایتگنلری نی ادعا قیلگن ایدی؛ بیراق حاضرگچه ممکتلر آرقهلی بیان بولهدیگن خوفسیزلیک خواطرلر یکونلنمهگن.
شوندهی بیرحالده، اسلام امیرلیگی نینگ مدافعه وزیرلیگی سرپرستی محمدیعقوب مجاهد، القاعده ترماغی رهبری ایمنالظواهری نینگ اولیمی اوچون آمریکا بیلن اوشبو حکومت همکارلیگی و افغانستان ده القاعده حضوری نی رد قیلیش گه تاکید قیلیش یانیده، اسلام امیرلیگی امریکا بیلن همکارلیک قیلیش خصوصیده علاقهسی یوقلیگی گه تاکید قیلگن.
عین حالده، بیلرمانلر نینگ ایتیشلریچه، افغانستان ده یالغیز همه شمول و مشروعی بیر حکومت شکللنیشی بیلن، اوشبو مملکتده دنیا جماعه نینگ خوفسیزلیک خواطرلری نینگ یکونلنیشی ممکن.
بیزلرنینگ فیسبوک صحیفهمیزگه باش اورینگ!
بو توغریده سیاسی ایش بیلرمان ویس ناصری نینگ ایتیشیچه: «انکار و دنیا گه قرشی توریش اورنیده، ملی حل یول ایجاد قیلیشیمیز کیرهک. افغانستان ده قیینچیلیک نینگ حل قیلیش اوچون اینگ یخشی ملی حل یول، ملی همهشمول بیر حکومت تشکیل بیریش دیر.»
شونینگدیک بو توغریده خوفسیزلیک ایش بیلرمانی ثمر سادات نینگ ایتیشیچه: «بو خواطرلر افغانستان نینگ ناتینچ بیر جغرافیا گه اوزگریشی نی کورستهدی، خدا قیلمهسین که بو ایشلر سبب، افغانستان خلقارا تروریزم و مافیا مرکزی گه اوزگرسه.»
ایتیش کیرهک که، ینگیلیکده افغانستان اوچون پاکستان خاص نمایندهسی آصف علیخان درانی نینگ کابل گه قیلیگن سفریدن مقصد، اونینگ اسلام امیرلیگی رسمیلری بیلن پاکستان خوفسیزلیک خواطرلری نی شریک قیلیش دییلگن.