سرپرست حکومت تشقی ایشلر وزیرلیگی بوگون (چهارشنبه، ۵-ثور) ایکس اجتماعی ترماغی‌ده یازیشیچه، شاه زلینا کوی بو سۉزلرنی اسلام امیرلیگی تشقی ایشلر وزیرلیگی نینگ سرپرستی امیرخان متقی بیلن اوچره‌شووده بیان قیلیب و مملکتی تورلی ساحه‌لرده افغانستان دولتی نینگ خادم‌لری و دیپلمات‌لری گه قیسقه مدتلی ریجه‌لرنی اۉرگه‌تیش ده همکارلیک قیلیش گه علاقه‌مندلیگینی بیلدیرگن.
ارگ ۴-ثور، سه‌شنبه کونی ایکس اجتماعی ترماغی‌ده یازیشیچه، کابلوف بو موضوع نی اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اوچره‌شووده بیان قیلیب و روسیه نینگ اسلام امیرلیگی بیلن مثبت مناسبتی دوام تاپیشیدن ایشانچ بیرگن.
امریکا تشقی ایشلر وزیرلیگی دنیا ده بشری حقوق وضعیتی اساسیده ییل‌لیک گزارشی‌ده، افغانستان ده بشری وضعیت اینیقسه عیال‌لر حقیده اسلام امیرلیگی نینگ بیر قطار فرمان‌لری‌دن خواطر بیلدیرگن.
ارگ ایکس اجتماعی ترماغی ده بیر خبرنامه ترقه‌تیب، اسلام امیرلیگی باش وزیری نینگ اداری اۉرین باسری عبدالسلام حنفی، افغانستان اوچون اسلامی همکارلیک تشکیلاتی نینگ مخصوص وکیلی و اۉرین باسری طارق علی بخیت و همراه هیئتی بیلن کابل ده اوچره‌شگنیدن خبر بیرگن.
طبیعی آفت‌لرنی باشقریش ایشلری بوییچه دولت وزیرلیگی، سونگی بیر نیچه کون جریانیده یوز بیرگن سوو تاشقین‌لری عاقبتیده انسانی تلفات سانی کوپه‌یشی نینگ آلدی آلینیشی مقصدیده، تشقی یاردم بیرووچی نهادلردن ولایت‌لرده‌‌گی سوو تاشقینی قربانی‌لری گه عاجل یاردم بیریلیشینی ایستهگن.
افغانستان خبرچیلر مرکزی بوگون (چهارشنبه، ۲۹-حمل) بیر بیانیه ترقه‌تیب سرپرست حکومت معلومات و مدنیت وزیرلیگی تامانیدن نور و بریا خصوصی ایکّی تلویزیون نینگ فعالیتی توخته‌تیلیشینی یېتکرمه‌لر قانون-قاعده‌لری گه قرشی دیب و اولر نینگ بو قرارینی مملکت ده یېتکرمه‌لر اېرکین‌لیگینی چېکلش دیب اته‌گن.
کابل ده ایران ایلچیسی اۉرین باسری سیدحسن مرتضوی، مملکتی ایران ده اسلام امیرلیگی نینگ سیاسی مخالف‌لری گه سیاسی فعالیت قیلیش گه رخصت بیرمسلیگیدن ایشانچ بیرگن. ارگ ۲۷-حمل، دوشنبه کونی ایکس اجتماعی ترماغی‌ده یازیشیچه، مرتضوی بو موضوع نی اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اوچره‌شووده بیان قیلیب و ایران ده اسلام امیرلیگی نینگ سیاسی مخالف‌لری باشقه «عادی قاچقین‌لر» کبی حیات کیچیرماقده‌لیکلرینی بیلدیرگن.
ایران اسرائیل بیر قطار حربی قرارگاه‌لری گه پهپادی هجوم اۉیوشتیریشیدن سۉنگ، سرپرست حکومت تشقی ایشلر وزیرلیگی بو هجوم ایران نینگ «قانونی حقی» بولگنینی معلوم قیلگن. اوشبو وزیرلیک بوگون (یک‌شنبه، ۲۶-حمل) ایکس اجتماعی ترماغی‌ده، قریب ایکّی هفته آلدین اسرائیل نینگ سوریه پایتختی دمشق شهری ده ایران قنسولگرلیگی گه هجوم اۉیوشتیریشی خلق‌ارا برچه قانون-قاعده‌لر گه قرشی اېدی دیگن.
انسان حقلری و دنیا همجمیت نینگ برچه تنقیدلری بیلن، اسلام امیرلیگی قریب سۉنگی اوچ ییل‌ده عام حضوری ده حدود و قصاص نی عملگه آشیریش گه دوام بیریب کېلگن. ینگی‌لیکده اسلام امیرلیگی عالی محکمه‌سی لوگر ولایتیده بیر عیال شامل آلتی کیشی گه، عام حضوری ده ۲۵ دُره دن ۳۹ دُره اۉریلگنینی معلوم قیلگن.
اسلام امیرلیگی رهبری هبت‌الله آخوندزاده هییت بیرمی مناسبتی بیلن مملکت‌لردن افغانستان نینگ امنیت، ثبات و رواجلنگنی نی یخشی بیر فرصت بیلیب و آلدین‌دن هم کوپراق اسلام امیرلیگی بیلن «یخشی رابطه‌لری» نی کینگه‌یتیریب و همکارلیک روحیه‌سی گه اساسلنگن بیر پالیسی نی آلغه آلیب باریشلری نی ایستهگن.
افغانستان فضاسیده امریکا نینگ اوچووچی‌سیز اوچاق‌لری اوچیشی دوامی‌ده، اسلام امیرلیگی سوزلاوچیسی نینگ اورین‌باسری حمد‌الله فطرت، اونینگ افغانستان قلمروی گه تجاوز عنوان قیلیب و امریکا دن اوشبو مملکت هوا حریمی گه حرمت قایل بولیشی نی ایستهگن.
روسیه «تاس» آژانسی اوشبو مملکت تشقی ایشلر وزیرلیگیده‌گی اۉزمنبع‌لریدن نقل قیلیب، عدلیه، تشقی ایشلر وزیرلیک‌لری و باغلیق نهادلردن بیرقطاری، بو مملکت نینگ «تروریزم» رویخطیدن اسلام امیرلیگی نینگ آتینی چېقریش مسئله‌سینی تېکشیرماقده‌لیگینی بیلدیرگن. بونگه قوشیمچه روسیه نینگ افغانستان اوچون مخصوص وکیلی ضمیر کابلوف، تاس آژانسی گه حاضر مسکو و کابل عصیانچی گروه‌لر گه قرشی کوره‌ش ده ترتیبلی شکلده همکارلیک قیلماقده‌لیگینی اېتگن.
افغانستان سرپرست حکومت تشقی ایشلر وزیرلیگی، اسراییل نینگ سوریه پایتختی دمشق شهری ده ایران قنسولگرلیگیده اۉیوشتیرگن هجومینی قتیق قاره‌لب و بو هجومنی «دیپلماتیک معیارلر» نی انیق بوزیش دیب و منطقه ده ده ناتینچ‌لیک‌لر کوچه‌یشی اوچون «تحریک قیلیش» اقدام دیگن.
اسلام امیرلیگی باش وزیری نینگ اداری اۉرین باسری عبدالسلام حنفی، مملکت بویلب خوفسیزلیک تأمین اېتیلیشی و اهالی قیینچیلیک‌لرینی حل قیلیش، اسلام امیرلیگی نینگ بیرینچی ایشلریدن دیب اورغوله‌گن.
امر بالمعروف و نهی عن‌المنکر وزیرلیگی مسئوللری بوگون (سه‌شنبه، ۷-حمل)، کابل ده یولگه قوییلگن بیر برنامه‌ده ایتیشلریچه، حکومتی اداره‌لر ایشلاوچیلری و مسئوللردن یشاوچیلر نینگ شکایت‌لری حل بولینیشی اوچون، اسلام امیرلیگی رهبری تامانیدن «شکایت‌لر نی تینگلش» ۲۳ ماده‌لی قانونی تصدیق‌لنگن.
پاکستان‌ده سرپرست حکومت ایلچیسی سردار احمد شکیب نینگ سلام‌وطندار گه ایتیشیچه، اۉتگن کون اوشبو مملکت نینگ افغانستان ایشلری بوییچه مخصوص وکیلی آصف درانی بیلن اۉچره‌شووده، پاکستان نینگ افغانستان گه هجوم‌لری تکرار بولمسلیگی حقیده کېلیشگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
