افغانستان گه بوله‌دیگن انسان‌پرورلیک یاردم‌لردن اسلام امیرلیگی نینگ ناتوغری فایده‌لنیشی اساسیده امریکالیک بیر سناتور نینگ ادعاسیدن بیر کون اوتگنی‌دن کیین، سرپرست حکومت اقتصاد وزیرلیگی مسئوللری نینگ ایتیشلریچه، حکومتی اداره‌لر نیازمند کیشی‌لر گه ترقه‌تیله‌دیگن انسان‌پرورلیک یاردم‌لر پروسه‌سیگه اره‌لشمه‌گن.
اۉزبېکستان تشقی ایشلر وزیری بختیار سعیدوف ییتکچیلیگی‌ده اوشبو هیئت، اسلام امیرلیگی عملدارلری جمله دن باش وزیر محمدحسن آخوند، اسلام امیرلیگی باش وزیری نینگ اۉرین باسرلری عبدالغنی برادر و عبدالسلام حنفی و تشقی ایشلر وزیرلیگی سرپرستی امیرخان متقی بیلن اۉچره‌شگن.
ایران یېتکرمه‌لری اوشبو مملکت نینگ بنگی‌وار ماده‌لر گه قرشی کوره‌ش ستاد باش کاتبی اسکندر مومنی دن نقل قیلیب ایتیشلریچه، افغانستان دن ایران گه بنگی‌وار ماده‌لر قاچاقی کوپه‌یگن. ایران یېتکرمه‌لری نینگ گزارشی اساسیده، اۉتگن ییل ده سنتی بنگی‌وار ماده‌لر قاچاقی کمه‌یش گواهی اېدیلر بیراق عکسینچه ایران ده صناعتی بنگی‌وار ماده‌لر قاچاقی ۲۰ فایز آشگن.
پاکستان رسمی‌لری نینگ، اوشبو مملکت ناتینچ‌لیک‌لریده افغان‌لر نینگ قولی بارلیگیگه دایر ادعالری دوام اېتماقده اېکن، ینگی‌لیکده اوشبو مملکت نینگ مشهور یېتکرمه‌لریدن دان‌نیوز، پاکستان‌لیک طالبلر تحریکی نینگ افغانستان‌لیک آلتی اعضاسی مذکور مملکت خوفسیزلیک کوچلری تامانیدن اۉلدیریلگنینی ایتگن.
مملکت بویلب یېتکرمه‌لر ایریم قیینچیلیک‌لر اېنیقسه اقتصادی قیینچیلیک، ایش مصونیتی یوق‌لیگی و یېتکرمه‌لر قانونی یوق‌لیگی بیلن فعالیت قیلماقده اېکن، ینگی‌لیکده خوست ولایتی‌ده اسلام امیرلیگی نینگ محلی رسمی‌لری یېتکرمه‌لر فعالیتی گه چېکلاو یره‌تگن.
افغانستان عالی محکمه‌سی، جوزجان ده بیر کیشی گه قصاص حکمی اجرا اېتیلگنیدن خبر بیرگن. اوشبو نهاد ایکس اجتماعی ترماغی ده یازیشیچه، بو حکم بوگون (دوشنبه، ۷-حوت)، اسلام امیرلیگی رهبری هبت‌الله آخوندزاده نینگ بویروغی بیلن جوزجان مرکزی شبرغان شهری نینگ سپورت میدانی ده اجرا اېتیلگن.
افغانستان ایشلری بوییچه امریکا نینگ مخصوص وکیلی توماس وست، افغانستان وضعیتی گه دایر یقینده بولیب اۉتگن دوحه ییغیلیشی تفصیلاتینی ترقه‌تیش بیلن ایتیشیچه، اوشبو ییغیلیش ده افغانستان ده عصیانچی گروه‌لر نینگ قیته ظهور قیلمسلیگی، خاتین قیزلر گه تعلیم و ایش حقی بیریلیشی و انسان پرورلیک یاردم‌لر دوامی بحث گه آلینگن.
سرپرست حکومت سوزلاوچیسی ذبیح‌الله مجاهد بوگون (پنج‌شنبه، ۳-حوت)، توماس نیکلاسون نینگ افغانستان ده عصیانچی گروه‌لر نینگ فعالیت قیلیشی گه دایر بیاناتی گه مناسبت بیلدیریب، دنیا مملکت‌لری افغانستان ده دایمی ثبات برقرار ایتیلیشی اوچون خواطرلرینی اسلام امیرلیگی بیلن شریک قیلیشی کېره‌ک دیگن.
غزنی حاکمی محمدامین جان عمری گه کوره، اوشبو ولایت ده ایکّی کیشی گه قصاص حکمی اجرا اېتیلگن. اونینگ کوپه‌یتیریشیچه، مذکور ایکّی کیشی گه قصاص حکمی اسلام امیرلیگی ییتکچیسی هبت‌الله آخوندزاده نینگ بویروغی بیلن بوگون (پنج‌شنبه، ۳-حوت) توش دن کیین ساعت ۱۲:۳۰ اطرافی ده غزنی شهری «دشت علی لالا» حدودلری گه قره‌شلی فوتبال سپورت میدانیده اجرا اېتیلگن.
اسلام امیرلیگی سوزلاوچیسی ذبیح‌الله مجاهد بوگون (چهارشنبه، ۲-حوت)، امریکا تشقی ایشلر وزیرلیگی نینگ سوزلاوچیسی متیومیلر نینگ، اسلام امیرلیگی افغانستان نینگ کیله‌جک سیاستی یالغیز اویینچیلری ایمسلیک بیاناتی گه مناسبت بیلدیریب ایتیشیچه، دنیا مملکت‌لری اسلام امیرلیگی افغانستان وکیلی و افغانستان حکومتی ایکن‌لیگینی تن آلیشی کیره‌ک.
بیرلشگن ملتلر تشکیلاتی قویاش اوشبو ییل دلو آی نینگ ۲۹ و۳۰- کون‌لری ده افغانستان وضعیتی گه دایر دوحه ایکّینچی ییغیلیشینی قطر پایتختی دوحه ده یولگه قویدی. ایش بیلرمان‌لر افغانستان وضعیتی حلی اوچون بو کبی ییغیلیش‌لر اوتکزیلیشینی خوش قرشی‌لسه‌لرده؛ بیراق دوحه ییغیلیشی افغانستان وضعیتی حلی اوچون مملکت‌لر نینگ فکر-ملاحظه‌لری فرق‌لی بولیشی و شرق و غرب نینگ رقابت‌لری بیلن بیرگه بولگن.
۲۸-دلو شنبه کونی، اروپا نینگ ۱۲ مملکت تشقی ایشلر وزیرلیک‌لری مونیخ خوفسیزلیک ییغیلیشی یکونیده افغانستان ده انسان حقلری وضعیتی گه دایر قوشمه بیانیه ترقه‌تیب و بونی افغانستان نینگ خلق‌ارا تیزیمی گه قوشیلیش اوچون اصلی شرط‌لر دن عنوان قیلگنلر.
قطر پایتختی دوحه شهری ده بوگون (یک‌‌شنبه، ۲۹-دلو) افغانستان وضعیتی گه دایر بیرلشگن ملتلر تشکیلاتی نینگ ایکّی کون‌لیک ییغیلیشی، مملکت‌لر و خلق‌ارا تشکیلات‌لر مخصوص وکیل‌لری نینگ حضوری و سرپرست حکومت وکیلی نینگ حضورسیزلیگی بیلن باشلنیشی کوتیله‌دی.
دوحه ییغیلیشی آجنداسی حاضرگچه بیللی بولمه‌گن بولسه ده، بیراق اوشبو ییغیلیش ده افغانستان نینگ وضعیتی، اسلام امیرلیگی بیلن جهان نینگ قنده‌ی همکارلیک قیلیشی و بیرلشگن ملتلر تشکیلاتی تامانیدن افغانستان اوچون مخصوص وکیل تعیینلنیشی و افغانستان اوچون بیرلشگن ملتلر تشکیلاتی باش کاتبی نینگ هماهنگ قیلووچیسی تامانیدن مستقل طرزده تیکشیریلگن گزارش بحث گه آلینیشی کوتیله‌دی.
اسلام امیرلیگی تشقی ایشلر وزیرلیگی رسمی‌لری، آذربایجان کابل ده ایلچی‌خانه‌سینی آچیش گه قرار قیلگنیدن خبر بیرگنلر. اسلام امیرلیگی تشقی ایشلر وزیرلیگی سوزلاوچیسی عبدالقهار بلخی بوگون (پنج‌شنبه، ۲۶-دلو) ایکس اجتماعی ترماغی ده، آذربایجان کابل ده اوز ایلچی‌خانه‌سینی آچیشینی یازگن.
اسلام امیرلیگی افغانستان ده قرارگاه‌لرینی یوق قیلگنینی دعوا قیله‌یاتگن اسلامی دولت یا که داعش گروهی نینگ خراسان بولیمی، حاضر هم افغانستان خصوصیده دنیا نینگ تشویش‌لریدن بیری سنله‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
