بیرلشگن ملتلر تشکیلاتی قویاش اوشبو ییل دلو آی نینگ ۲۹ و۳۰- کون‌لری ده افغانستان وضعیتی گه دایر دوحه ایکّینچی ییغیلیشینی قطر پایتختی دوحه ده یولگه قویدی.
ایش بیلرمانلر افغانستان وضعیتی حلی اوچون بو کبی ییغیلیش‌لر اوتکزیلیشینی خوش قرشی‌لسه‌لرده؛ بیراق دوحه ییغیلیشی افغانستان وضعیتی حلی اوچون مملکت‌لر نینگ فکر-ملاحظه‌لری فرق‌لی بولیشی و شرق و غرب نینگ رقابت‌لری بیلن بیرگه بولگن.
خلق‌ارا مناسبت‌لر ایش بیلرمانی محمدباقر محسنی گه کوره: «مهم بولگن نرسه یشاوچیلر دوحه ییغیلیشی نتیجه بیریشنی کوتگندیلر افسوس بیلن امیدلری گه ایریشمه‌دیلر، دوحه ییغیلیشی نینگ نتیجه‌سیزلیک اساسی سببی بیرلشگن ملتلر تشکیلاتی اعضالری و شرق و غرب نینگ رقابت قیلیشی و قرشی‌لیگی دیر.»
بیزلرنینگ فیسبوک صحیفه‌میزگه باش اورینگ!
دوحه ییغیلیشی، افغانستان ده بیرلشگن ملتلر تشکیلاتی نینگ مخصوص وکیلی ایتیب تعیینلنیشی و اسلام امیرلیگی حاکمیتیده افغانستان بیلن دنیا همجمعیت نینگ همکارلیک قیلیشی اوچون یولگه قوییلگنی ایتیلگندی، لیکن بیرلشگن ملتلر تشکیلاتی بو ییغیلیش ده افغانستان ایشلری بوییچه وکیل تعیینلش گه اولگورمه‌دی.
شو بیلن بیرگه، بیرلشگن ملتلر تشکیلاتی نینگ باش کاتبی آنتونیوگوترش دوحه ییغیلیشی یکونیدن سونگ مطبوعاتی کنفرانس ده بو ییغیلیش نی اونیملی دیب و اشتراک قیلگنلر تورلی موضوع‌لر حقیده بحث ایتگنینی معلوم قیلگن.
بیرلشگن ملتلر تشکیلاتی نینگ باش کاتبی اوشبو مطبوعاتی کنفرانس ده، افغانستان وضعیتی حلی اوچون سعی‌وحرکت‌لری گه دوام بیریش اوستیگه تاکید ایتگن.
آنتونیو گوترش سوزلری نینگ بیر بولیمیده افغانستان وضعیتی خصوصیده منطقه‌ای تماس گروهی شکللنیشی اوستیگه تاکید ایتگن.
بیزلرنینگ «ایکس» ترماغی ده هم تعقیب قیلینگ!
گوترش گه کوره: «منطقه‌ای تماس گروهی قطار مملکت‌لر آره‌سیده اوتکزیلسه یخشی دیر و بوتوغریده مصلحتیم بار البته شخصی مصلحت، بو کبی گروه ده افغانستان نینگ بیش قوشنی دولتی و افغانستان گه یاردم بیرووچی مملکت‌لر حضوری بولیشی کیره‌ک.»
باشقه تاماندن، ایش بیلرمان‌لردن بیرقطاری نینگ ایشانچی گه کوره، بو کبی ییغیلیش‌لر دوام تاپگن حالده دوحه ییغیلیشی نتیجه بیریشی ممکن.
شونینگدیک اولر، دوحه ییغیلیشی افغانستان ده‌گی وضعیت حلی اوچون باشلنیش جریان بولیش گه امید بیلدیره‌دیلر.
ایتیش کیره‌ک، اوشبو مطبوعاتی ییغیلیش ده بیرلشگن ملتلر تشکیلاتی نینگ باش کاتبی، اوشبو مملکت اوچون مخصوص وکیل ایتیب تعیینلنیشی، انسان حقلری رعایت ایتیلیشی، عصیانچی گروه‌لر گه قرشی کوره‌ش و همه‌شمول حکومت شکللنیشی اوچون افغانستان ایشلری گه دخیل جمله دن اسلام امیرلیگی بیلن مصلحتی جریان باشلنیش اوستیگه تاکید ایتگن.
