افغانستان سرپرست حکومت تشقی ایشلر وزیرلیگی سوزلاوچیسی عبدالقهار بلخی، ۱۴-دلو، شنبه کیچه، ایکس اجتماعی ترماغی ده، افغانستان ده بیرلشگن ملتلر تشکیلاتی اورین باسرلیک هیئت دفتر باشلیغی روزا اوتونبایوا و بیرگه هیئتی، تشقی ایشلر وزیرلیگی سرپرستی امیرخان متقی بیلن اوچره‌شگنیدن خبر بیرگن.
بلخی نینگ یازیشیچه، اوشبو اوچره‌شوو ده ایکی تامان اسلام امیرلیگی دپیلماتیک سونگی یوتوق‌لری، دوحه کیله‌سی ییغیلیشی، سینیرلی اوغلو نینگ گزارشی، افغانستان اوچون بیرلشگن ملتلر تشکیلاتی نینگ هماهنگ قیلووچیسی و باشقه مسئله‌لر حقیده بحث ایتگن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی سوزلاوچیسی نینگ یازیشیچه: «دستلب، اسلام امیرلیگی وقتینچه‌لیک تشقی ایشلر وزیری بیرلشگن ملتلر تشکیلاتی خوفسیزلیک کینگشی نینگ ۲۷۲۱ قطع‌نامه‌سی حقیده‌گی سوزلرنی ینه بیر مرته تکرار و افغانستان اسلام امیرلیگی و بیرلشگن ملتلر تشکیلاتی آره‌سیده‌گی تعامل اوستیگه تاکید ایتدی.»
تشقی ایشلر وزیرلیگی سرپرستی اوشبو اوچره‌شوو ده دوحه کیله‌سی ییغیلیشی آجنداسی خصوصیده کوپراق ایضاح کیریتیشینی سوره‌گن. او نینگ ایتیشیچه: «اسلام امیرلیگی بو ایضاح‌لر اساسیده اشتراک قیلووچی هیئت‌لر باره‌سیده قرار آله‌دی.»
بیزلرنینگ «ایکس» ترماغی ده هم تعقیب قیلینگ!
یوناما باشلیغی دوحه کیله‌سی ییغیلیشی خصوصیده معلومات کیریتیب و بو ییغیلیش ده اسلام امیرلیگی هیئتی چقریلیشینی سوره‌گن.
گزارش‌لر اساسیده، افغانستان وضعیتی گه دایر دوحه ییغیلیشی تورلی مملکت‌لر نماینده‌لری نینگ حضوری بیلن ۱۷ و ۱۹ فبروری یولگه قوییلیشی کوتیله‌دی.
