اسلام امیرلیگی تشقی ایشلر وزیرلیگی رسمیلری، اوشبو وزیرلیک سرپرستی سعودی عربستان نمایندهسی بیلن مسکو ده اوچرهشگنیدن خبر بیرگنلر.
تشقی ایشلر وزیرلیگی سوزلاوچیسی نینگ اورین باسری ضیااحمد تکل، جمعه کیچه، ۷ میزان، اوز ایکس (تویتری) ده، امیرخان متقی «فرمت مسکو» ییغیلیشی دایرهسیده، سعودی عربستان نمایندهسی شهزاده جلوی بن تورکی آلسعود بیلن اوچرهشگنینی یازگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه، مذکور اوچرهشووده ایکی تامان، افغانستان و سعودی عربستان نینگ مناسبتلری مستحکملنیشی، ایکی تامانلمه سفرلر و افغانستان خلقی گه مذکور مملکت نینگ انسان پرورلیک یاردملری دوام ایتیشی بحث گه آلینگن.
«فرمت مسکو» بیشینچی دور ییغیلیشی، جمعه کونی، ۷ میزان، افغانستان وضعیتی گه دایر روسیه نینگ «کازان» شهری ده بولیب اوتدی.
د ا.ا.ا. د بهرنيو چارو وزير مولوي امير خان متقي سره د مسکو فارمټ په څنډه کې د سعودي عربستان استازي ښاغلي شهزاده جلوي بن ترکي آل سعود وکتل.
په دې ناسته کې د افغانستان او سعودي عربستان پر دوو اړخيزو اړيکو، د دوو اړخيزو پلاوو د ليدو کاتو پر زياتوالي او بشري مرستو هراړخيزې خبرې وشوې. pic.twitter.com/MRJLjhxMdV— Hafiz Zia Ahmad (@HafizZiaAhmad) September 29, 2023
مذکور ییغیلیش ده اشتراک ایتگنلر، قوشمه بیر بیانیه صادر قیلیب افغانستان نینگ حاضرگی سرپرست دولتی دن، اوشبو مملکت ده داعش و باشقه عصیانچی گروهلر گه قرشی کورهشینی طلب قیلگنلر.
شونینگدیک فرمت مسکو ییغیلیشی ده اشتراک ایتگن دولتلر نینگ نمایندهلری، افغانستان نینگ حاضرگی وضعیتیدن خواطر بیلدیریب، برچه قوملر شامل «همهشمول حکومت» شکللنیشینی سورهگنلر.
بیزلرنینگ «ایکس» ترماغی ده هم تعقیب قیلینگ!
ایتیش کیرهک که، بوندن آلدین قطار مملکتلرده افغانستان وضعیتی گه دایر یولگه قوییلگن ییغیلیشلرده، اوشبو مملکت وضعیتیدن خواطر بیلدیریلیب و همهشمول حکومت شکللنیشی اوستیگه تأکید ایتیلگن.
