اوزبیکستان جمهور باشلیغی شوکت میرضیایف، ینه تورکیه گه جونب کیتدی.
اوزبیکستان ییتکرمه‌لریگه کوره، میرضیایف جنابلری تورکیه جمهور باشلیغی رجب طیب اردوغان‌نینگ تکلیفی گه بناً بوگون (۱۹ عقرب/۱۰ نومبر، سه‌شنبه) عملی تشریف بیلن اوشبو مملکت گه جونب کیتگن.
معلومات‌لر گه کوره، اوزبیکستان رهبری آنتالیا شهریده بیرلشگن ملتلر تشکیلاتی‌نینگ اقلیم اوزگریشی بوییچه کنفرانسی (کاپ ۳۱) ییغیلیشیده اشتراک ایته‌دی. شونینگدیک، خارج دولتلرنینگ رهبرلری بیلن قطار ایکی تامانلمه اوچره‌شوولر اوتکزه‌دی.
بو، شوکت میرضیایف‌نینگ سونگی ۱۰ کون ایچیده تورکیه گه ایکینچی عملی تشریفی حسابلنه‌دی. اوزبیکستان جمهور باشلیغی سونگی بار تورکیه گه ۲۹-۳۰ اکتوبر کونلری انقره میزبانلیگیده بولیب اوتگن تورکی دولتلر تشکیلاتی‌نینگ ۱۳ ییغیلیشیده اشتراک ایتیش اوچون بارگن ایدی.
