آذربایجان جمهور باشلیغی الهام علیاوف، امریکا جمهور باشلیغی دونالد ترامپ بیلن تلفون آرقهلی ملاقات قیلدی.
ییتکرمهلرنینگ معلوماتیگه کوره، ایکی تامان ۱۷ اسد/۸ آگست، شنبه کونی ملاقات قیلگن. اوشبو تلفونی ملاقاتده واشنگتن ییغیلیشیگه بیر ییل تولگنی مناسبتی بیلن آذربایجان و ارمنستان اورتهسیدهگی تینچلیک جریانی محاکمه قلینگن. تامانلر اوزاق ییللیک ماجرا گه برهم (یکون) بیریلگنینی و منطقهده تینچلیک اورنهتیلگنینی تأکیدلهگن.
شونینگدیک، ایکی دولت اورتهسیدهگی اقتصادی علاقهلر، «TRIPP» ترانسپورت لایحهسی و منطقهده ترانسپورت باغلیقلیگینی کوچهیتیریش مسئلهلری محاکمه قیلینگن.
علیاوف، ترامپ گه واشنگتن تینچلیک ییغیلیشی گه میزبانلیک قیلگنی و تینچلیک کون ترتیبی گه قوشگن حصهسی اوچون منتدارلیک بیلدیرگن. ترامپ ایسه الهام علیاوفنینگ تینچلیک جریانیدهگی رولینی یوقاری بهالهگن.
صحبت دوامیده، آذربایجان نفت محصولاتلرینینگ ارمنستان گه صادر قیلینیشی، ترانزیت یوکلرنی آذربایجان حدودی آرقهلی ارمنستان گه تشیش و ایکی دولت اورتهسیده سودا علاقهلرینینگ باشلنگنی منطقهدهگی ایجابی اوزگریشلر صفتیده قید ایتیلگن.
تامانلر، آذربایجان-امریکا استراتیژیک شیریکلیگینی ینگی باسقیچگه آلیب چیقیشگه کیلیشیب آلگن.
