اوزبیکستان جمهور باشلیغی شوکت میرضیایف، مرکزی آسیا دولتلری و آذربایجان جمهوریتی ییتکچیلری‌نینگ سکیزینچی مصلحتی ییغیلیشی‌ده، سودا، ترانسپورت، انرژی، زمانه‌وی تکنالوژی و اطراف-محیط‌نی محافظه قیلیش ساحه‌لریده منطقه‌وی همکارلیک‌نی مستحکم‌لش ضرورلیگینی تأکیدله‌گن.
او، اوزارا ایشانچ و برقرار رواجلنیش مهم‌لیگینی قید ایتیب، اقتصادی همکارلیک‌نی کینگه‌یتیریش، سوو منبعلرینی بیرگه‌لیکده باشقریش، هوا افلاسنلنیشیگه قرشی کوره‌شیش همده یشیل انرژینی رواجلنتیریش گه توخته‌لیب اوتگن.
میرضیایف شونینگدیک، سوو منبعلریدن فایده‌لنیش مسئله‌لری بوییچه افغانستان بیلن منتظم ملاقات آلیب باریش ضرورلیگینی تأکیدلب، بو ملاقات‌ده منطقه‌ده‌گی برچه دولتلرنینگ منفعت‌لری حساب گه آلینیشی لازملیگینی بیلدیرگن.
او یکونده، بیرلیک و اوزارا ایشانچ‌نی مرکزی آسیاده برقرار ترقیات و خوفسیزلیککه ایریشیش‌نینگ مهم عامللریدن دیگن.
