افغانستان ایرکین ژورنالیست‌لر اتفاقی باشلیغی حجت‌الله مجددی هلمند ده خبرچیلر بیلن اوچره‌شوو ده ایتیشیچه، اوشبو ولایت ده‌گی خبرچیلر ایریم چیکلاولر و قیینچیلیک بیلن روپه‌ره دیر و محلی مسئوللر بوتوغریده دقت قیلیشی کیره‌ک.
اونینگ کوپه‌یتیریشیچه: «بو ییرده حکومت پالیسی فرقلی دیر. باشقه ولایت‌لرده تطبیق بوله‌دیگن پالیسی بو ییرده هم عملی بولیشی درکار. هلمند محلی مسئوللری بیلن بو قیینچیلیک حلی اوچون تلاش قیله‌یپمیز.»
مجددی نینگ کوپه‌یتیریشیچه، هلمند ده خبرچیلر و ییتکیرمه‌لر نینگ اقتصادی قیینچلیگی حل بولمه‌گن حالده، بو ولایتده‌گی ییتکیرمه‌لر اوز فعالیت‌لرینی توخته‌تیشی ممکن.
بیزلرنینگ فیسبوک صحیفه‌میزگه باش اورینگ!
عین‌حالده، هلمند ده خبرچیلر اتفاقی باشلیغی وحیدالله وحدت گه کوره، سونگی کون‌لرده ییتکیرمه‌لردن حمایت قیلووچی نهادلر بو ولایت ده‌گی ییتکیرمه‌لر و خبرچلر قیینچیلیگی حلی اوچون دقت قیلمه‌گنلر. اونگه کوره: «هلمند ده خبرچیلر اقتصادی قیینچیلیک بیلن دوچ دیر. بونگه قوشیمچه محلی ییتکیرمه‌لر هم اقتصادی قیینچیلیک بیلن یوزمه یوز دیر.»
هلمند ده سکون رادیو مسئولی احمد نصرت نینگ ایتیشیچه، اوشبو ولایت ده‌گی محلی ییتکیرمه‌لر اقتصادی قیینچیلیک بیلن دوچ دیر. او ییتکیرمه‌لردن حمایت قیلووچی نهادلر دن خبرچیلر و ییتکیرمه‌لرنی قوللب-قوتلش‌لرینی سوره‌گن.
اونینگ کوپه‌یتیریشیچه: «افغانستان ده ییتکیرمه‌لر اقتصادی قیینچیلیک بیلن دوچ‌لیگی بیللی دیر؛ شونی اوچون ییتکیرمه‌لردن حمایت قیلووچی نهادلردن بوتوغریده دقت قیلیش‌لرینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، هلمند حاکمی سوزلاوچیسی محمدقاسم ریاض گه کوره، اسلام امیرلیگی هلمند شامل افغانستان بویلب اطلاعات نی شریک قیلیش اوچون خبرچیلر بیلن همکارلیک قیلیب و بو یاردم‌لری گه دوام بیره‌دیلر.
او، ییتکیرمه‌لردن حمایت قیلووچی نهادلر دن هلمند ده خبرچیلر و ییتکیرمه‌لرنی مالی قوللب-قوتلش‌لرینی طلب قیلگن.
عین‌حالده، سونگی ایکّی ییل ده بیر قنچه خبرچیلر مالی و باشقه قیینچیلیک طفیلی افغانستان نی ترک قیلگن، شونینگدیک کابل و باشقه ولایت‌لرده‌گی فعال خبرچیلر هم تورلی خیل قیینچیلیک بیلن روپه‌ره‌لر.
