۲۸ سپتمبر خلق‌ارا اطلاعات گه قول تاپه آلمسلیک کونی مناسبتی بیلن، خبرچیلر و ییتکیرمه‌لر مسئوللریدن بیرقطاری، دولت اداره‌لری تامانیدن اطلاعات شریک قیلینمسلیگیدن شکایت قیلیب ایتیشلریچه، دولت اداره‌لریدن بیرقطاری نینگ مسئوللری اطلاعات نی وقتیده اولر بیلن شریک قیلمه‌ی و مذکور اداره‌لردن باشقه بیرقطاری هیچ اطلاعات بیرمه‌یدیلر.
خبرچیلردن بیرقطاری نینگ ایتیشلریچه، دولت اداره‌لری تامانیدن اطلاعات وقتیده شریک قیلینمسلیگی، خبرچیلرنی ایریم قیینچیلیک‌لر بیلن روپه‌ره قیلگن.
نور تلویزیونی خبرچیسی سیدبلال صیاد نینگ کوپه‌یتیریشیچه: «گزارش‌گر اوله‌راق مین اوچون قیین دیر قطار نهادلر وقتیده اطلاعات نی شریک قیلیشمه‌یدی یالغیز بعضی موردلرنی واتس‌اپ گروه ده شریک قیله‌دیلر ، نیچه مرته گزارش نی نشر قیله آلمه‌دیک و نیچه مرته هم برابرلیک نی نظر گه آلمسدن نشر قیلدیک.»
بیزلرنینگ فیسبوک صحیفه‌میزگه باش اورینگ!
تمدن تلویزیونی خبرچیسی اسلام‌الدین بهنوش گه کوره: «خبرچیلر نینگ اساسی قیینچیلیگی، اولر بیلن اطلاعات شریک قیلینمسلیگی دیر، حکومت اداره‌لریدن بیرقطاری آز وقت‌لر ییتکیرمه‌لر و خبرچیلر بیلن همکارلیک قیلیشه‌دی.»
شونینگدیک، ییتکیرمه‌لردن بیرقطاری نینگ مسئوللری گه کوره، دولت اداره‌لری تامانیدن وقتیده اطلاعات شریک قیلینمسلیگی، میدیالر نینگ ایشلری اوستیگه سلبی تأثیر قیلگن.
یک تلویزیونی نینگ ینگی‌لیکلر بولیمی مدیری قسیم عزیزی گه کوره: «منبع بولمسه و اطلاعات وقتیده شریک قیلینمسه خبرچیلر قیینچیلیک بیلن دوچ بولیشی گه شبهه یوق، دولت اداره‌لریدن بیرقطاری تامانیدن اطلاعات وقتیده خبرچیلر بیلن شریک قیلینمه‌یدی.»
عین‌حالده، افغانستان ایرکین میدیالریدن حمایت قیلووچی نهاد (نی) مسئوللری گه کوره، اطلاعات گه قول تاپه آلمسلیک قانونی بیکار قیلینیشی، اطلاعات گه قول تاپه آلمسلیک چیکله‌نیشی گه سبب بولگن.
نی مسئولی ظریف کریمی نینگ ایتیشیچه: «افغانستان ده سونگی ایکی ییل ده اطلاعات شریک قیلینمسلیک قیینچیلیگی بیلن دوچ میز، بو وضعیت ییتکیرمه‌لرنی قیینچیلیک بیلن روپه‌ره قیلگن.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، معلومات و مدنیت وزیرلیگی نینگ نشرات باشلیغی عبدالواحد ریان گه کوره، حکومت اداره‌لری قانون_قاعده‌لری گه بناً، اطلاعات نی وقتیده ییتکیرمه‌لر بیلن شریک قیلیش گه مکلف دیر و خبرچیلر اوز شکایت‌لرینی اوشبو وزیرلیک بیلن شریک قیلیش‌لری ممکن.
او نینگ کوپه‌یتیریشیچه: «بیرقطار وزارت‌لر همکارلیک قیلمسلیک‌لریدن خبر بولدیک، اطلاعات گه قول تاپه آلمسلیک کمیسیونی حاضر ریاست گه اوزگرگن، رئیسی ینگی‌لیکده تعینلنگن، خبرچیلر اوز قیینچیلیک‌لرینی اوشبو ریاست بیلن شریک قیلیش‌لری ممکن.»
سونگی ایکی ییل ده عالی اوقوو، معارف، مالیه، مدافعه و تشقی ایشلر وزیرلیک‌لری ییتکیرمه‌لر بیلن اطلاعات نی شریک قیلمه‌یدیلر و ساغلیق‌نی سقلش، مهاجرلر، ایکینچیلیک و کان‌لر و پترولیم وزیرلیک‌لری آز ییتکیرمه‌لر بیلن همکارلیک قیلماقده ایکن، خبرچیلر و ییتکیرمه‌لر مسئوللری اطلاعات شریک قیلینمسلیگیدن شکایت قیلماقده‌لر.
