بغلان یشاوچیلریدن قطاری، اوشبو ولایت‌ده ییگولیک ماده‌لر قیمتی یوقاریلیگی‌دن شکایت قیلیب ایتیشلریچه، یشاوچیلر ییگولیک ماده‌لر نی ساتیب-آلیش گه کوچی ییتیشمه‌یدی.
بغلان مرکزی پلخمری شهری یشاوچیلری نینگ ایتیشلریچه، اهالی اقتصادی وضعیتی یخشی بولمه‌گنی سبب، مسئوللر اوشبو ولایت بازار‌لریده دستلبکی ماده‌لر قیمتی نینگ کنترول قیلیشلری کیره‌ک.
بغلان ولایتی یشاوچیلریدن رستم نینگ سلام‌وطندار گه ایتیشیچه: «ایش یوق، سرپرست حکومت‌دن ایسته‌گیمیز شو که، بغلان بلدیه‌سی دکاندارلر گه توجه قیلسین که قیمت‌لر نی بیراز کمه‌یتیرسینلر.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو ولایت یشاوچیلریدن باشقه بیری محمد‌حسن نینگ ایتیشیچه: «رمضان آیی دیر، رسمی‌لردن دکان‌لر گه باریب قیمت‌لر نینگ کنترول قیلیشلری نی ایسته‌یمیز. اهالی بیلن همکارلیک قیلیش‌لرینی ایسته‌یمیز.»
شونده‌ی بیرحالده، بغلان مرکزی پلخمری شهری‌ده‌گی دکان‌دارلردن قطاری، دستلبکی ماده‌لر قیمتی یوقارلیگی نی قبول قیلیب، بیراق ییگولیک ماده‌لر نینگ باشقه مملکت‌دن وارد بولیشی، ییگولیک ماده کم‌لیگی و یشاوچیلر ایسته‌گی کوپلیگی نی، مذکور ولایت‌ده ییگولیک ماده‌لر قیمتی یوقاری کیتیشی سببی عنوان قیلگنلر.
پلخمری شهری دکان‌دارلریدن محمدیعقوب نینگ ایتیشیچه: «ایناغم مملکتی‌میز ایشلب چیقره‌دیگن بیر مملکت ایمس. وارد قیله‌دیگن بیر مملکت دیر. بیللی که، بو ماده‌لر مالیزیا، اندونیزیا یا-ده شوروی دن کیله‌دی. دکاندارلر هم دالر گه نرسه ساتیب-آله‌دی و مجبور دالر گه آلگن نرسه نی دالر قیمتی گه ساتسه، ینه هم ییگولیک ماده هم بولمسه بازارده قیین‌چیلیک یره‌ته‌دی.»
مذکور ولایت پلخمری شهری دکان‌دارلریدن باشقه بیری شایان نینگ ایتیشیچه: «بیز هم کوپ قیین‌چیلیک بیلن روپه‌ره‌میز. دالر قیمتی اوزگرگنی یا-ده ییگولیک ماده بازارده کم بولگنی صورت‌ده، یشاوچیلر تقاضاسی هم کوپه‌یه‌دی. هر کیم کیلیب ییگولیک ماده بیر دیه‌دی و شرکت‌لر هم قیمت ساته‌دی.»
بیزلرنینگ فیسبوک صحیفه‌میزگه باش اورینگ!
عین حالده، بغلان بلدیه‌سی ریاستی‌ده مسئوللر دکان‌دارلردن، قیمت ساتمسلیک‌لری نی ایسته‌ب و قیمت ساتگنلر بیلن جدی یانده‌شیلیشی نی بیان قیلگن.
بغلان بلدیه‌سی عبدالطیف مظلوم‌یار نینگ سلام‌وطندار گه ایتیشیچه: «رمضان آیی‌دن اوچ کون آلدین برچه بولیم‌‌لر گه ینگی نرخ‌نامه ترقه‌تدیک و بو بولیم‌ده کمیسیون فعال بولیب و ایشله‌یدی. قیمت ساتیش‌ده قولگه کیلگن کیشی، حبس گه آلینیب و اونینگ بیلن قانونی یانده‌شیلشی ممکن.»
ایتیش کیره‌ک که، هر ییلی رمضان آیی ییتیب کیلیشی بیلن، مملکت‌ده دستلبکی ماده‌لر قیمتی کوپه‌یب و یشاوچیلر نینگ شکایتی گه سبب بوله‌دی.
