مملکت نینگ قطار ولایتلریده محلی مسئوللر، پاسپورت توزیع قیلیش جریانی توختهتیلگنیدن خبر بیرسهلرده، بیراق پاسپورت طلبگارلری بیرقطار ولایتلرده پاسپورت توزیع قیلیش جریانی توختهتیلگنیدن شکایت قیلیب ایتیشلریچه، پاسپورت آلیش اوچون بیر ییل دن کوپ کوتگنلر.
پنجشیر ده پاسپورت طلبگارلریدن امینالله گه کوره، اوشبو جریان سستلیگی باعث کوپ سانده تحصیلی بورسیهلر چانسینی قولدن بیرگن. «پاسپورت توزیع قیلیش جریانی توختهتیلگن، اسلام امیرلیگی دن کسل و بورسیهسی بولگنلر گه پاسپورت آلیش گه رخصت بیریشنی ایستهیمیز، ثبت نام قیلگنیمیز دن آلتی آی اوتماقده لیکن حاضرگچه آلگنیمیز یوق، مثال صورتده بورسیه گه ثبت نام قیلگن ایدیم چانسنی قولدن بیردیم.»
بیزلرنینگ فیسبوک صحیفهمیزگه باش اورینگ!
پنجشیر محلی مسئوللری، اوشبو ییل ۴ سرطان، مذکور اداره ده تخنیکی قیینچیلیک باعث پاسپورت توزیع قیلیش جریانی توختهتیلگنیدن خبر بیرگنلر.
شونینگدیک، دایکندی یشاوچیسی علی و بامیان یشاوچیسی کیا، ولایتلریده اوشبو جریان توختهتیلگنیدن شکایت قیلیب ایتیشلریچه، پاسپورت توزیع قیلیش جریانی سستلیگی طفیلی قریب بیر ییل پاسپورت آلیشنی کوتگنلر.
علی نینگ کوپهیتیریشیچه: «بیر ییل دن بیری کوتیب تورگنمن، بیراق دایکندی ده اوشبو جریان توختهتیلگنی ایتیلماقده، بیز تحصیلی فرصتلرنی قولدن بیرهمیز، پاسپورت گه نیازیمیز بار بو جریان باشلهنیشینی ایستهیمیز.»
شونینگدیک، پاسپورت طلبگارلریدن باشقه بیری کیا گه کوره: «تحصیلی بورسیه اوچون بیر یریم ییل دن بیری پاسپورت آلیشنی کوتماقده من، اما حاضرگچه آلگنیم یوق و بو جریان سست دیر، نه فقط مین بلکه جیینیم شو قیینچیلیک بیلن روپهره دیر.»
بامیان و دایکندی ولایتلری نینگ محلی مسئوللری، اوشبو ییل ۱۱ و ۱۴ سرطان ده، علیحده بیانیهلر ترقهتیب، ولایتلریده پاسپورت توزیع قیلیش جریانی توختهتیلگنیدن خبر بیرگنلر.
بیزلرنینگ توییترده هم تعقیب قیلینگ!
پاسپورت عمومی ریاستی مسئوللری، مملکت نینگ بیر قطار ولایتلریده پاسپورت توزیع قیلیش جریانی توختهتیلگنینی رد قیلیب ایتیشلریچه، اوشبو جریان عادی روشده دوام ایتماقده و مذکور ریاست هیچ بیر اداره گه پاسپورت توزیع قیلیش جریانینی توختهتیش بویروغینی بیرمهگن.
پاسپورت عمومی ریاستی سوزلاوچیسی نورالله پتمن نینگ سلاموطندار گه ایتیشیچه: «طلبلر کوپ دیر و یوزلب کیشی سیستم گه ثبت نام قیلگن، بیز سیستم اساسیده ایشلریمیزنی آلغه آلیب بارماقدهمیز، برچه ولایتلرده پاسپورت آمریتلری آچیق، بیراق بعضی ولایتلرده مراجعتچیلر کیچ کیلگن بولسه یا که هییت کونلریده مراجعت قیلگن بولسه ممکن.»
سونگی ایکی ییل ده، مملکت نینگ بیر قطار ولایتلریده نیچه مرته پاسپورت توزیع قیلیش جریانی توختهتیلگن و یشاوچیلر هر دایم اوشبو جریان سستلیگیدن شکایت قیلگنلر.