نیمروز ولایتی پاسپورت ریاستی مسئوللری، سۉنگی بیر ییل‌ده ۱۱۰ میلیون دن آرتیق افغانی درآمد قیلگنلرینی معلوم قیلهدیلر. نیمروز ولایتی پاسپورت ریاستی مدیری نیازمحمد حنظله نینگ سلام‌وطندار گه ایتیشیچه، اوشبو ریاست اۉتگن بیر ییل‌ده ۱۱۰ میلیون ۵۱۶ مینگ ۵۰۰ افغانی درآمد قیلگن.
کابل ده پاسپورت آلووچیلردن قطاری، اوشبو ریاست‌ده مراجعت قیلووچیلر نینگ حد‌دن تشقری توپلنگنی و گوجوم‌لیکدن شکایت قیلیب ایتیشلریچه، ساعت‌لرچه نوبت‌لری ییتیشیشی نی کوتیب توریب و نیچه مرته خوفسیزلیک کوچلری تامانیدن کلتک‌لنه‌‌دیلر.
ایچکی ایشلر وزیرلیگی پاسپورت عمومی ریاستی بیر بیانیه ترقه‌تیب، آنلاین روشده پاسپورت طلب‌گارلری نینگ سانی کوپ‌لیگی اوچون، پاسپورت آلووچیلر نینگ حضوری شکلده ثبت‌نامه قیلیش جریانی کابل ده ایرته (چهارشنبه، ۲۰-جدی)، باشلنیشینی معلوم قیلگن.
قطار ولایت‌لرده یشاوچیلر پاسپورت ترقه‌تیش و پاسپورت آلیش اوچون آت یازیلیش پروسه‌سی توخته‌گنی‌دن شکایت قیلیب و ایتیشلریچه، پاسپورت‌لری یوقلیگی سبب، ایشلری آرته قالیب یا-ده مملکت‌دن تشقی گه درمان اوچون انتقال بیریله‌دیگن کسل‌لری نینگ وضعیتی یامانلنگن.
افغانستان تشقی ایشلر وزیرلیگی مسئوللری، اوزبیکستان نینگ «ترمز» شهری ده افغانستان قنسول‌گرلیگیده پاسپورت نی چاپ قیلیش و توزیع قیلیش جریانی باشلنگنیدن خبر بیرگنلر.
جوزجان ولایتی پاسپورت ریاستی رسمی‌لری، اوتگن ییل گه نسبتن مذکور ولایت پاسپورت ریاستی درآمدی اوچ برابر کوپه‌یگنینی معلوم قیلگنلر.
مملکت نینگ قطار ولایت‌لریده محلی مسئوللر، پاسپورت توزیع قیلیش جریانی توخته‌تیلگنیدن خبر بیرسه‌لرده، بیراق پاسپورت طلب‌گارلری بیرقطار ولایت‌لرده پاسپورت توزیع قیلیش جریانی توخته‌تیلگنیدن شکایت قیلیب ایتیشلریچه، پاسپورت آلیش اوچون بیر ییل دن کوپ کوتگنلر.
شنبه کونی، ۱۳ جوزا، توش دن آلدین، مملکت باش وزیرلیگی ریاستی نینگ اداری اورین باسری عبدالسلام حنفی بیلن اوچره‌شگن پاسپورت عمومی باشلیغی، جناب حنفی گه پاسپورت عمومی ریاستی و فعالیت‌لری حقیده گزارش بیریش چاغیده، اوشبو سوزلرنی بیان قیلگن.
کابل یشاوچیلریدن قطاری نینگ ایتیشلریچه، قریب بیر ییل آلدین پاسپورت آلیش اوچون آنلاین شکلده ثبت نام قیلگنلر، بیراق حاضرگچه پاسپورت آلالمه‌گنلر.
ایچکی ایشلر وزیرلیگی پاسپورت عمومی ریاستی مسئوللری نینگ ایتیشلریچه، کیله‌سی هفته چهارشنبه دن کیین افغانستان بویلب پاسپورت توزیع قیلیش جریانی قیته باشلنه‌دی. پاسپورت عمومی ریاستی باشلیغی عبدالکریم حسیب، بوگون (پنج‌شنبه، ۴ حوت) پایتخت کابل ده مطبوعاتی بیر ییغیلیش ده، کیله‌سی هفته چهارشنبه، ۱۰ حوت، اولکه بویلب پاسپورت توزیع قیلیش جریانی باشله‌نیشیدن خبر بیردی.
کابل و ولایت‌لرده پاسپورت توزیع قیلیش جریانی توخته‌تیلیشیدن تخمیناً بیش آی دن کوپ اوتماقده دیر. کابل یشاوچیلریدن قطاری پاسپورت توزیع قیلینیش جریانی توخته‌تیلیشیدن شکایت قیلیب ایتیشلریچه، پاسپورت قاره بازار ده کوپ پول عوضی گه ساتیله‌دی.
اسلام امیرلیگی باش وزیری نینگ اداری اورین باسری عبدالسلام حنفی، بوگون توش دن کیین (یک‌شنبه، ۲۷ قوس) کابل ده «خلق‌ارا مهاجرلر کونیدن» نشانلش مراسمیده ایتیشیچه، پاسپورت و کیم‌لیک چاپ ایتیش اوچون چیکلاولر بیلن روپه‌ره میز.
«هنلی گلوبل» مؤسسه‌سی تامانیدن بولگن تیکشیروو اساسیده، جاپان پاسپورتی ۱۹۳ امتیاز بیلن اینگ اعتبارلی پاسپورت اوله‌راق رویخط اولی گه قرار تاپگن. سنگاپور، جنوبی کوریا و آلمان بیرینچی، ایکینچی و اوچینچی اورینگه قرار آلگنلر.
ایچکی ایشلر وزیرلیگی نینگ پاسپورت عمومی ریاست مسئوللری ایتگنلر که، مملکت‌دن تشقی‌ده ۳ میلیون پاسپورت نی چاپ قیلگنلر و تیزلیککه کابل گه یتیشیشی ممکن.
اسلامی امارت نینگ قدرت گه ایریشگنیدن کیین، مملکت‌ده پاسپورت تقاضا‌‌چیلری نینگ میزانی نظیری کوریلمه‌گن درجه‌ده کوپه‌یگن دیر. پاسپورت ریاستی نینگ آز ظرفیتی و پاسپورت آلیش اوچون یشاوچیلر مراجعتی نینگ کوپ میزانی، پاسپورت آلیش جریانی کوپ وقت آلیش گه سبب بولگن.
اسلامی امارت ایچکی ایشلر وزیرلیگی نینگ پاسپورت عمومی ریاستی بیر اطلاعیه ترقه‌تیب اعلام قیلیشیچه، بوگون (شنبه،۲۰-حمل) پاسپورت نینگ آنلاین ثبت نام پروسه‌سی باشله‌نیشی گه قرار قیلینگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
