کابل ده پاسپورت آلووچیلردن قطاری، اوشبو ریاستده مراجعت قیلووچیلر نینگ حددن تشقری توپلنگنی و گوجوملیکدن شکایت قیلیب ایتیشلریچه، ساعتلرچه نوبتلری ییتیشیشی نی کوتیب توریب و نیچه مرته خوفسیزلیک کوچلری تامانیدن کلتکلنهدیلر.
مراجعت قیلووچیلر نینگ کوپهیتیریشلریچه، برچه ولایتلردن پاسپورت آلووچیلر نینگ کابل ده پاسپورت عمومی ریاستی گه حضوری ثبت نام قیلیش اوچون توپلنیشلری سبب، اولر ولایتلرده هم پاسپورت آلووچیلر گه حضوری ثبت نام قیلیش جریانی نینگ باشلنیشینی ایستهگنلر.
بیزلرنینگ فیسبوک صحیفهمیزگه باش اورینگ!
کابل ده پاسپورت عمومی ریاستی گه مراجعت قیلگنلردن سیفالله نینگ ایتیشیچه، حددن تشقری گوجوملیک سبب، کیکسهلردن قطاری ایاغ آستی بولگن. اونینگ کوپهیتیریشیچه: «نظم یوق، اهالی کلتکلنهدی و کیچه ساعت ایکیده کیلگن ایدیک. کوزیم بیلن کوردیم که ایکی-اوچ کیکسه گوجوملیک و کلتکلنیش سبب، جان بیردی، شونینگدیک کلتکلش و گوجوملیک سبب، کیکسهلردن کوپینچهسی ایاغ آستی بولدی. اهالی سانی جودهیم کوپ دیر.»
شونینگدیک کابل ده پاسپورت عمومی ریاستی گه مراجعت قیلگنلردن باشقه بیری مرتضی نینگ ایتیشیچه: «کیچه ۱۲ده بو ییرگه کیلدیک. اهالی قیینچیلیگی نی درست شکلده حل قیله آلمهیدیلر. بو رقم هم اهالی و هم دولت قیینچیلیک بیلن روپهره دیر. کلتکلهیدیلر، وضعیت جودهیم خراب و هر ولایتدن بولگن کیشی اوز ولایتی گه باریشی کیرهک.»
عین حالده، پاسپورت عمومی ریاستی سوزلاوچیسی نورالله پتمن، کابل ده پاسپورت آلووچیلر نینگ ترتیبسیزلیگی و گوجوملیگی طفیلی بیر قطار کیشی نینگ اولگنی خصوصیدهگی ادعا نی رد قیلیب سلاموطندار گه ایتیشیچه، کابل ده حضوری ثبت نام جریانی یالغیز ۵ شنبه کونلری بولیب و ۲۰ مینگ حضوری ثبت نام قیلیش فورمی ترقهتیلهدی.
جناب پتمن نینگ کوپهیتیریشیچه: «پاسپورت ترقهتیلیشی دوام قیلماقده و هفتهدن بیر کون یعنی ۵ شنبه کابل ده حضوری ثبت نام قیلیش فورمی ترقهتیلهدی. ترتیب و نظم خصوصیده نیچه مرته اهالی گه کیرهکلی توصیهلر نی بیرگنمیز. اوتگن کون بیر قطار اعلامیهلر هم ترقهتدیک. کیکسه و بالهلر نینگ عایلهلری کیلسه هم بولهدی، اوزلری نینگ کیلیشی گه نیاز ایمس.»
بیزلرنینگ «ایکس» ترماغی ده هم تعقیب قیلینگ!
شونینگدیک جناب پتمن نینگ اورغولشیچه، کونده مرکز و ولایتلرده پاسپورت آلووچیلر گه ۸ مینگ جلد پاسپورت ترقهتیلهدی.
ایتیش کیرهک که، حضوری ثبت نام قیلیش جریانی اوتگن هفته چهارشنبه کونی، ۲۰-جدی، یالغیز کابل ده باشلنگن.