ایچکی ایشلر وزیرلیگی نینگ پاسپورت عمومی ریاست مسئوللری ایتگنلر که، مملکت‌دن تشقی‌ده ۳ میلیون پاسپورت نی چاپ قیلگنلر و تیزلیککه کابل گه یتیشیشی ممکن.
پاسپورت عمومی ریاستی نینگ اورین‌باسری شیرشاه قریشی اوشبو ریاست نینگ بیر ییل‌لیک گزارشی نی ارائه قیلگنی پیتده ایتگن که، چاپ بولگن ۳ میلیون ینگی پاسپورت تیزلیککه اولر گه ییتیشه‌دی. اونینگ کوپه‌یتیریشیچه، اوشبو پاسپورت‌لر «افغانستان اسلامی جمهوریتی» نینگ آتی و نشانی بیلن چاپ بولگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیزگه اوشبو پاسپورت‌لرنی نمونه‌سی ییتیشگن و بیز اونی تصدیق ایتگن‌میز، ان‌شاءالله تیز آره‌ده بیزنی اختیاریمیزده قرار تاپه‌دی و بیز بو بیلن پاسپورت کمچیلیگی‌گه روپه‌رو بولمه‌یمیز.»
پاسپورت عمومی ریاست اورین‌باسری نینگ اورغولشیچه، کابل شهریده باشقه ۴ مرکز پاسپورت ترقه‌تیلیشی و یشاوچیلر گه آسایشته‌لیک ایجاد بولیشی اوچون توزه‌تیلیشی ممکن.
اونگه کوره، فساد نینگ آلدی نی آلیش مقصدیده ولایت‌لرده پاسپورت ترقه‌تیش جریانی توخته‌تیلگن و تیکشیروولردن کیین بو جریان ولایت‌لرده هم قیته باشلنه‌دی.
پاسپورت اداره‌سی نینگ اورین‌باسری، بو مدت ایچیده ولایت یشاوچیلری پاسپورت اوچون اوزلرینی آنلاین رویخط‌گه اوتکزیش‌لری ممکن دیگن.
بیزلرنینگ توییترده هم تعقیب قیلینگ!
قریشی نینگ ایتیشیچه: «بیزنی تیکشیروچی تیم‌لریمیز ایش‌لماقده‌لر، حاضرگچه ۱۷ ولایت‌ده تیکشیرو یکونلنگن، بیز بو جریان آرقه‌لی ایش‌لریدن ناتوغری ایش آلگن ایریم کیشی‌لرنی حبس‌گه آلگن‌میز.»
پاسپورت ریاستی مسئوللری نینگ ایتیش‌لریچه، اوتکن بیر ییل جریانیده ۷۰۰ مینگ‌دن آرتیق کیشی‌گه پاسپورت ترقه‌تگن‌لر و بو بیلن ۴ میلیارد افغانی‌دن کوپراق عاید توپله‌گن‌لر.
اولر گه کوره، شونینگ‌دیک اوشبو مدت جریانیده ۴۰۰دن آرتیق کیشی فساد، ساخته‌کارلیک و کمیشن‌کارلیک عیب‌لری بیلن قولگه آلینگنلر.
