ایچکی ایش‌لر وزیرلیگی سوزلاوچیسی طارق آرین نینگ ایتیشیچه، کابل ولایتی نینگ شکردره تومنی‌نی کاریزمیر و قلعه مرادبیک منطقه‌سیده یوز بیرگن یانغینده ۷ کیشی هلاک و باشقه ۱۴ کیشی یره‌لنگن و اوشبو آمار نهایی ایمس و کوپه‌یشی ممکن.
ایچکی ایش‌لر وزیرلیگی سوزلاوچیسی نینگ کوپه‌یتیریشیچه، یانغین اوتگن کیچه ساعت ۹ ده یوز بیرگن و قنده‌ی یوز بیرگنی بیللی ایمس. بو یانغین بیرینچی‌دن بیر تیل تانکری دن باشلنگن و اوندن سونگ، کینگی‌یب و نتیجه‌ده اونلرچه تانکر کامل صورتده اوت آلگن.
جناب آرین نینگ ایتیشیچه، یانغین تیل تانکرلری توخته تیله‌دیگن جای‌ده یوز بیرگن و بیرینچی معلومات‌لرگه کوره، محلده بولگن بیر تانک تیل اونچه‌لیکچه زیان کورمه‌گن.
شونینگدیک، کابل پولیس قومندانلیگی سوزلاوچیسی فردوس فرامرز نینگ ایتیشیچه، اوشبو یانغینده مالی زیان رقمی حاضرگچه بیللی بولمه‌گن. اونینگ ایتیشیچه، پولیس و یانغین‌نی اوچیرووچی تیم محلگه بارگن و تیکشیریش‌لرنی دوامی بار.
برشنا شرکتی نینگ اعلان قیلیشیچه، مذکور یانغین نتیجه‌سیده وارد ایتیلهدیگن ۲۲۰ کیلوولت برق لینی کیسیلگن و کابل شهری نینگ کوپ قطار منطقه‌سیده برق یوق.
عین‌حالده، اوشبو یانغین‌دن زیان کورگن بیرقطار هیداووچی‌لر اعتراض بیلدیریب کابل-شمال قتناو یولینی ترافیک یوزی‌گه باغله‌گنلر.
