کابل شهری‌ده‌گی نجارلردن قطاری ایشلری نینگ تنزل گه یوز توتگنی‌دن شکایت قیلیب ایتیشلریچه، اوتگن ایکی ییل گه نسبتاً مشتریلری نینگ میزانی سیزیلرلی درجه‌ده کمه‌یگن.
شونده‌ی بیرحالده، ۴۵ ییل‌دن بیری نجارلیک قیله‌دیگن زلگی، ایشی نینگ تنزل گه یوز توتگنی‌دن شکایت قیلیب ایتیشیچه، اوشبو کسب نی آته‌‌سیدن اورگن دیر و اوتگن ایکی ییل جریانیده، مشتریلری نینگ سانی ۸۰ فایز‌دن کوپراق کمه‌یگن.
بیزلرنینگ فیسبوک صحیفه‌میزگه باش اورینگ!
زلگی نینگ کوپه‌یتیرشیچه: «ایش یوق، اهالی اقتصادی یخشی ایمس. ایشیمیز اهالی اقتصادی گه تیگیشلی دیر. چونکه حاضرگی وضعیت‌ده اهالی کلکین و ایشیک نی نیمه قیلسین. ایکی اوچ آی‌دن بیری دکان کرایه‌سی نی بیرگنیم یوق. قرضدار‌مین و توش ییمه‌ی تاوان دیر. اوتگن‌ده ایشلریمیز یخشی ایدی.»
اوچ ته شاگردی بولگن کابل نینگ شهرنو منطقه‌سیده‌گی نجارلردن بیری غلام‌سرور نینگ ایتیشیچه، بنا‌لر نینگ قوریلیش ایشی توخته‌گنی و اهالی نینگ اقتصادی قیین‌چیلیگی کوپه‌یگنی، نجارلر ایشی نینگ تنزل گ یوز توتگنی گه سبب بولگن.
غلام‌سرور نینگ کوپه‌یتیریشیچه: «نجارلیک ایشی بنا قوریش ایشی گه تیگیشلی دیر. اوتگن ییل‌لرده ایشلریمیز نی نوبت گه قویه‌ر ایدیک، حاضر ایسه ۲۰ الی بیر آی‌ده بیر فرمایش یوق. بو وضعیت نینگ قچانگچه دوام قیلیشی نی بیلمه‌یمیز.»
شونینگدیک چهارراهی شهید ده‌گی نجارلردن بیری احمد‌فرید نینگ ایتیشیچه، نیچه آی‌دن بویان ایش یوقلیگی سبب، دکان کرایه‌سی نی توللشگه کوچی ییتیشمه‌گن. «اوتگن ییل‌لرده بیر آی‌ده ۱۵-۲۰ مینگ ایشله‌ر ایدیک، بیراق حاضر ایسه بیر آی‌ده آلتی مینگ ایشله‌یمیز. ایشلر نینگ درست بولمه‌گنی بیرحالده، مملکت‌دن تشقی فرنیچر وارد بولیشی و مالیه نینگ یوقاریلیگی، بیزگه کوپ قیین دیر.»
بیزلرنینگ توییترده هم تعقیب قیلینگ!
نجارلر ایشلری نینگ تنزل گه یوز توتگنی‌دن خواطر بیلدیرگنلری بیرحالده، بیراق صناعت و سوداگرلیک وزیرلیگی مسئوللری صناعتچیلردن حمایت قیلینیشی گه تاکید قیلگن.
مذکور وزیرلیک سوزلاوچیسی آخندزاده عبدالسلام جواد نینگ سلام‌وطندار گه ایتیشیچه: «هم نجارلیک بولیمی‌ده و هم باشقه بولیم‌لرده دایم صناعتچیلردن حمایت قیلدیک. شونیندیگ ایچکی تولید‌لردن حمایت بولیش اوچون پیشنهاد‌ی‌میز هم بار ایدی. صناعتچیلر نینگ ترقیاتی اوچون لازم بولگن نرسه نی انجام بیریشیمیز ممکن.»
ایتیش کیره‌ک که، نجارلیک افغانستان ده قدیمگی صناعت‌لردن حساب‌لنه‌دی که، مملکت‌ده‌گی نجارلر دایم ایشیک، کلکین، کوچ، چوکی و باشقه تزئینی نرسه‌لر نی توزه‌ته‌دیلر.
