لوگر محلی مسئوللری نینگ ایتیش‌لریچه، مذکور ولایت نینگ پاسپورت آمریت ایشلاوچیسی، پاسپورت ترقه‌تیلیشیدن توپلنگن ۳ میلیون افغانی بیلن قاچگن.
لوگر معلومات و مدنیت ریاست رئیسی رفیع‌الله صمیم نینگ سلام‌وطندار گه ایتیشیچه، اوتگن هفته اوشبو ولایت پاسپورت آمریت ایشلاوچیلریدن بیری فرهاد، پاسپورت ایسته‌گنلردن ناقانونی شکلده توپلنگن ۳ میلیون افغانی بیلن قاچگن.
لوگر معلومات و مدنیت ریاست رئیسی نینگ کوپه‌یتیریشیچه، اوشبو ولایت استخبارات مسئوللری گه متهم کیشی نینگ تیزلیک بیلن قولگه آلینیب و قانون گه تاپشیریلیشی اوچون وظیفه بیریلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، لوگر امنیه قومندانلیگی سوزلاوچیسی احمد‌الله انس نینگ ایتیشیچه، پاسپورت آمریتیده فساد گه تیگیشلی، حاضرگچه ۱۰ کیشی قولگه آلینگن و شونینگدیک اصلی متهم نی تاپیش اوچون تیکشیرولر دوام ایتماقده.
لوگر پاسپورت آمریتی نینگ سابق ایشلاوچیلریدن بیری کیم‌لیگی سرقالیش نی ایسته‌ب سلام‌وطندار گه ایتیشیچه، فرهاد ناملی اوشبو اداره ایشلاوچیسی کونیده ناقانونی شکلده ۵ الی ۱۰ پاسپورت تعرفه‌سی نی پاسپورت ایسته‌گنلردن آلر ایدی.
اونگه کوره، فرهاد بو ایش نی ۶ آیدن بیری انجام بیرگن و بو یول‌دن ۳ میلیون‌دن آرتیق قولگه کیریتگنلیگی ممکن. منبع نینگ اورغولشیچه، فساد گه متهم بولگن کیشی مملکت‌دن تشقری کیتگنینی احتمالی بار.
بیزلرنینگ توییترده هم تعقیب قیلینگ!
شونده‌ی بیرحالده، لوگرده پاسپورت ایسته‌گنلردن قطاری نینگ ایتیش‌لریچه، بانکی تعرفه بیریب و بایومتریک پروسه‌سی نینگ انجام بیرگنلری گه علاوه، حاضرگچه پاسپورت قولگه کیتیره‌آلمه‌گنلر.
شونینگدیک پاسپورت ایسته‌گنلر پاسپورت آمریت ایشلاوچیلری نینگ درست رفتار قیلمه‌یشلریدن شکایت قیلیب و ایتیش‌لریچه، اوشبو ولایت‌ده پاسپورت ترقه‌تیش پروسه‌سی کوپینچه قیین‌چیلیک بیلن روپه‌رو بولگن.
