لوگر ولایتی بوییچه اجتماعی ایش‌لر ریاستی مسووللری نینگ ایتیش‌لریچه، اوروش و ناتینچلیکلر سبب، یالغیز اوشبو ولایت مرکزیده ۳۷۱ باله شاقه ایش قیلیش‌گه مجبور بولگنلر.
لوگر ولایتی بوییچه اجتماعی ایش‌لر ریاستی باشلیغی شاه‌‌محمد ولی‌زوی نینگ سلام‌وطندارگه ایتیشیچه، جاری ییلده امنیتی کوچلر و طالبان آره‌سیده یوز بیرگن آتیشمه‌لر سبب، اوشبو ولایت مرکزی پل‌علم شهریده ۳۷۱ باله شاقه ایشلرنی انجام بیره‌دیلر.
جناب ولی‌زوی گه کوره، اوروش‌لر سبب، اونلرچه باله و کوپ قطار عایله‌لر زیان کورگن. اونینگ کوپه‌یتیریشیچه، مذکور آتیشمه‌لر جریانیده ۷۲ باله یره‌لنیب و باشقه ۳۳ باله هلاک ایتیلگن.
لوگر ولایتیده اوروش‌لردن زیان کورگن باله‌لرنینگ ایتیش‌لریچه، اوروش اولرنینگ حیاتی اوستیگه سلبی تاثیر قویگن و اولر عایله‌لری نینگ اقتصادی لحاظ دن تامین قیلیش اوچون شاقه ایشلرنی انجام بیریش‌گه مجبور بولگنلر.
اوشبو باله‌لر دولت و طالبان دن اوروش‌نی یکونلنتیریب و عادی و گناه‌سیز اهالی نینگ حیات کیچیریشی‌گه دقت قیلیش‌لرینی سورگنلر.
لوگر، کابل نینگ جنوبیده جایلشگن ناتینچ ولایتلردن بیری دیر. طالبان جنگریلری اوشبو ولایت نینگ مرکزی شامل بیرقطار تومن‌لریده کینگ شکلده فعالیت قیله‌دی.
