افغانستان بوییچه انسان حقوقی ایرکین کمیسیونی نینگ ایتیشیچه، مملکتده باله‌لر اویی‌ده تیریک‌چیلیک قیله‌دیگن باله‌لردن ۵۸% نینگ هویتی بیللی ایمس.
انسان حقوقی ایرکین کمیسیونی نینگ باله‌لر بولیمی‌نی بیر گزارش نشر قیلیب ایتیشیچه، هویتی بیللی بولمه‌گن اوشبو رقم باله‌لر مملکت ۲۵ ولایتیده تیریک‌چیلیک قیله‌دی.
مذکور گزارش‌گه کوره، هویتی بیللی بولمه‌گن باله‌لردن کوپراغی هرات ولایتیده حیات کیچیره‌دیلر.
انسان حقوقی ایرکین کمیسیونی، هویتی بیللی بولمه‌گن باله‌لرنی تانیش اوچون هرات ولایتیده باله‌لر تیریک‌چیلیک قیله‌دیگن باله‌لرگه خاص ۵ اویدن نظارت قیلگن.
افغانستان بوییچه انسان حقوقی ایرکین کمیسیونی نینگ باله‌لر بولیمی گه کوره، باله‌لرگه خاص مذاکور ۵ اوی ده ۲ دن باشلب ۷ یاشیده بولگن ۳۲۳ ایرکک و ۹۱ قیز شامل ۴۱۴ باله حیات کیچیره‌دی.
گزارشده ایتیلیشیچه، بو جمله‌دن ۱۵۰ باله نینگ کیم‌لیگی یوق و باشقه ۲۹ ایرکک و ۱۰ قیز شامل ۳۹ باله نینگ هویتی بیللی ایمس.
گزارشده کوپه‌یتیریلیشیچه، اوشبو رقم باله‌لر دولتی اداره‌لر و اهالی تامانیدن باله‌لر اویگه کیلتیریلگن.
انسان حقوقی ایرکین کمیسیونی‌گه کوره، هویتی بیللی بولمه‌گن ۱۱ باله کابل، ۸ باله بلخ، ۱ باله غزنی، ۱ باله سمنگان، ایکی باله سرپل، ۲ باله قندهار و باشقه ۳ باله ننگرهار ولایتیده تانیلگن.
انسان حقوقی ایرکین کمیسیونی مسوول‌لری نینگ ایتیش‌لریچه، اوشبو کمیسیون تورلی ولایت‌لرده هویتی بیللی بولمه‌گن و سرپرست‌سیز باله‌لر اوچون دادخواه‌لیک قیلگن، بیراق حکومت هیچ‌قنده‌ی دقت قیلمه‌گن.
