امریکا جمهور باشلیغی دونالد ترامپ‌نینگ روسیه و اوکراین اورته‌سیده دوام ایته‌یاتگن اوروشگه چیک قوییب و صلح قیلیش احتمالی حقیده بیاناتلریدن سونگ، ایکی دولت هیئت‌لری اورته‌سیده مذاکره‌لر باشلنیشی کوتیله‌دی.
رویترز گه کوره، روسیه و اوکراین هیئت‌لری اورته‌سیده امریکا واسطه‌چیلیگی بیلن ایکی کونلیک مذاکره‌لر، بوگون (۱۹ عقرب/۱۰ نومبر، سه‌شنبه) بیرلشگن عرب امیرلیکلری پایتختی ابوظبی‌ده باشلنه‌دی.
خبر گه کوره، فرانسه، جرمنی و اروپا کمیسیونی کبی اروپا قدرت‌لری هم، ابوظبی گه اوز وکیللرینی یوباره‌دی؛ بو ایسه روسیه اوکراین بیلن مذاکره‌لرده اروپا دولتلری‌نینگ اشتراک ایتیشیگه قرشی چیقه‌یاتگن بیر پیتده یوز بیرگن.
بو، جاری ییل‌نینگ فبروری آیی‌دن بیری روسیه و اوکراین اورته‌سیده ایلک مذاکره‌لر حسابلنه‌دی. ترامپ جمهورلیک ریاستی ایکینچی دوریده روسیه و اوکراین اورته‌سیده تینچلیک کیلیشوویگه ایریشیلیشی حقیده بیر نیچه بار بیانات بیرگن، بیراق حاضرگچه بونده‌ی کیلیشوو گه ایریشیلمه‌گن.
