اسلام امیرلیگی کانلر و پترولیم وزیرلیگی، افغانستان «توز» ایشلب چیقریشده اوزینی-اوزی تأمینلش درجه‌سیگه ییتگنینی و حاضرده ایچکی ایشلب چیقریش مملکت بازاری‌نینگ احتیاجینی قاندیره‌یاتگنینی معلوم قیلدی.
وزیرلیک سوزلاوچیسی همایون افغان، بوگون (۱۹ عقرب/۱۰ نومبر، سه‌شنبه) مملکتده بیر قطار کمپنیه‌لر ۱۲ ته شرطنامه دایره‌سیده افغانستان توز کانلرینی قزیب آله‌یاتگنینی ایتدی.
افغان جنابلری‌نینگ سوزلریگه کوره، اوشبو شرطنامه‌لرنینگ بیشته‌سی تخار، تورته‌سی هرات، بیته‌دن شرطنامه ایسه سمنگان، غور و فاریاب ولایتلریده فعال دیر.
اونینگ کوپه‌یتیریشیچه، مذکور شرطنامه‌لر دایره‌سیده جمعی ۸۰ میلیون امریکا دالری مقداریده سرمایه کیریتیلگن و بیش مینگ ۴۰۰ کیشیگه بیواسطه همده بیلواسطه ایش اورینلری یره‌تیلگن.
