غزنی ولایتی قره‌باغ تومنیده اۉتگن اوروش‌لردن قالگن اوق پارتلشی عاقبتیده بیر کیشی هلاک بولیب و باشقه تورت کیشی یره‌لنگن.
غزنی امنیه قوماندان‌لیگی سۉزلاوچیسی خالد سرحدی نینگ سلام‌وطندار گه ایتیشیچه، اوشبو ولایت نینگ قره‌باغ تومنی «دهن‌کورک» قیشلاغیده اۉتگن اوروش‌لردن قالگن اوق پارتلشی باعث، ۱۵ یاشر بیر باله قربان بولیب و باشقه تورت باله یره‌لنگن.
بیزلرنینگ فیسبوک صحیفه‌میزگه باش اورینگ!
سرحدی جنابلری نینگ کوپه‌یتیریشیچه، واقعه اۉتگن اوروش‌لردن ایکینچیلیک ییرلرده پارتلمه‌ی قالگن اوق بیلن باله‌لر نینگ اوینه‌شی پیتیده یوز بیرگن.
واقعه طفیلی یره‌لنگن اوشبو باله‌لر قره‌باغ تومنی کسلخانه‌سیگه انتقال بیریلگن.
بیزلرنینگ «ایکس» ترماغی ده هم تعقیب قیلینگ!
قریب بیر آی آلدین غزنی ولایتی گیروی تومنیده ماین پارتلشی عاقبتیده توقیز باله قربان بولگن اېدیلر.
ایتیش کېره‌ک، مملکت نینگ تورلی ولایت‌لری جمله دن غزنی ده اۉتگن اوروش‌لردن پارتلمه‌ی قالگن ماین و اوق‌لر پارتلشی، انده-سنده-سنده اولکه یشاوچیلری اینیقسه باله‌لردن قربان‌لیک آله‌دی.
