قاچقینلر وزیرلیگی مسئوللری نینگ ایتیشلریچه، غور ولایتی مرغاب و چهارسده تومن‌لری‌ده سونگی کونلر یوز بیرگن سوو تاشقینلر نتیجه‌سیده، بیر کیشی اولیب و ایکی کیشی یره‌لنگن. مسئوللر نینگ کوپه‌یتیریشلریچه، مذکور سوو تاشقینلرده ۵۰۰دن آرتیق عایله یشش اویلری نی ترک قیلگنلر.
لیکن طبیعی آفت‌لرنی باشقریش ایشلری بوییچه دولت وزیرلیگی مسئوللری، غور ولایتیده سوو تاشقینی یوز بیرگنی‌دن خبرسیزلیک قیله‌دیلر. اوشبو وزیرلیک مسئوللری نینگ سلام‌وطندار گه ایتیشلریچه، مملکت نینگ ۱۴ ولایتیده اوتگن پنج‌شنبه، جمعه و شنبه کونلری یوز بیرگن سوو تاشقینلر نتیجه‌سیده، ۱۵ کیشی هلاک بولگن.
بیزلرنینگ فیسبوک صحیفه‌میزگه باش اورینگ!
طبیعی آفت‌لرنی باشقریش ایشلری بوییچه دولت وزیرلیگی سوزلاوچسی محمد عبدالله‌جان سایق نینگ ایتیشیچه، اوشبو سوو تاشقینلر نتیجه‌سیده، اونلب یشش اوی بوتونلی و قسمی شکلده ویران بولیب و ۲مینگ‌دن آرتیق باش چاروه ایسه تلف بولگن.
اونینگ کوپه‌یتیریشیچه: «هلمند، میدان‌وردک، خوست، لغمان، غور، فراه، جوزجان، تخار، سرپل، بادغیس، فاریاب، قندوز، هرات و ارزگان ولایت‌لریده یوز بیرگن سوو تاشقینلر نتیجه‌سیده، ۱۵ کیشی جان بیریب و ۱۴۰ یشش اوی بوتونلی شکلده ویران بولگن و شونینگدیک ۲۱۲۵ باش چاروه ایسه تلف بولیب، اونلب جریب ایکینچیلیک ییر اورته‌دن کیتگن.»
شونده‌ی بیرحالده، سوو تاشقینلر یوز بیرگنی نتیجه‌سیده اویلری ویران بولیب و ایکینچیلیک ییرلری اورته‌دن کیتگن ولایت‌لر یشاوچیلریدن قطاری نینگ سلام‌وطندار گه ایتیشلریچه، حاضرگچه سرپرست حکومت آرقه‌لی هیچ قنده‌ی یاردم قولگه کیلتیرمه‌گنلر.
نیمروز ولایتی حاجی نعیم قیشلاغی یشاوچیسی امید نینگ ایتیشیچه، مذکور قیشلاق‌ده یوز بیرگن سوو تاشقین‌ده ۲ مینگ جریب ایکینچیلیک ییر ویران بولگن. اونینگ کوپه‌یتیریشیچه: «ییرلریمیز مکمل شکلده ویران بولگن و قیشلاغی‌میزده ۳ مینگ ۶۲ جریب ییر بار که ۵۰۰ جریب‌دن آزراغی گه زیان ییتیشمه‌ی و باشقه‌سی ایسه ویران بولگن.»
فراه ولایتی یشاوچیسی بولمیش عبدالهادی نینگ ایتیشیچه، سونگی کونلرده یوز بیرگن سوو تاشقینلر اهالی گه کوپینچه مالی زیان ییتیشتیریب و حاضرگچه یاردم قولگه کیلتیرمه‌گنلر. اونینگ کوپه‌یتیریشیچه: «سونگی سوو تاشقینلرده زیان کورگن‌میز. دایم کیله‌میز و سروی قیله‌میز دیه‌دیلر، لیکن حاضرگچه یاردم قولگه کیلتیرمه‌گن‌میز.»
بیزلرنینگ «ایکس» ترماغی ده هم تعقیب قیلینگ!
عین حالده، طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ کوپه‌یتیریشلریچه، قویاش ییل نینگ باشلنگنی‌دن حاضرگچه، سوو تاشقینلردن زیان کورگن ۲۶ مینگ‌دن آرتیق عایله گه یاردم بیرگنلر.
اوشبو وزیرلیک معلوماتی اساسیده، قویاش جاری ییل نینگ باشلنگنی‌دن حاضرگچه مملکت نینگ بیر قطار ولایت‌لریده یوز بیرگن سوو تاشقینلر نتیجه‌سیده، ۱۰۰دن آرتیق کیشی اولیب و قریب ۱۰۰ کیشی یره‌لنگن.
