پاکستان باش وزیری عمران خان بیرلشگن ملتلر تشکیلاتی نینگ ۷۶- دور ییل‌لیک ییغینیده ویدیویی بیر پیام آرقه‌لی ایتیشیچه، دنیا طالبان نینگ رسمیت گه تانیش اوچون قیزیقمه‌گن بیرحالده، بیراق افغانستان ده انسانی فاجعه یوزبیریشی نینگ آلدینی آلیش اوچون، دنیا اسلامی امارت دن حمایت قیلیشی کیره‌ک.
عمران خان نینگ ایتیشیچه، افغانستان ده انسانی فاجعه یوزبیرماقده که بو ایش مذکور مملکت نینگ ترورچیلرنی تینچ اویه‌سیگه اوزگریشی توغریسیده، خواطرلرنی کوپه‌یتیرگن.
پاکستان باش وزیری نینگ ایتیشیچه، طالبان عمومی کیچیریش، همه‌شمول حکومت ایجاد ایتیلیشی و انسان حقلری گه حرمت بیریش‌لری توغریسیده وعده بیرگن.
بیراق سیاسی ایش بیلرمان‌لردن قطاری نینگ ایشانچ‌لریگه کوره، پاکستان دنیا نینگ اَلده‌تیش اوچون حرکت قیله‌دی، شونده‌ی بیرحالده، افغانستان وضعیتی نینگ قنده‌یلیگی اسلام‌آباد اوچون هیچ اونمی یوق.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان مصطفا علی‌زاده نینگ سلام‌وطندارگه ایتیشیچه، عمران خان بو موضوع نی بیان قیلیش بیلن افغانستان نینگ بلوکه بولگن پول‌لرینی آزاد قیلیش و شونینگدیک اولرنینگ پاکستان بانک‌لریگه انتقال بیریلیشی اوچون حرکت قیله‌دی.
«بیرلشگن ملتلر تشکیلاتی ده عمران خان نینگ بیاناتی، ایکی تامانلمه دیر و او منطقه و دنیا مملکت‌لری نینگ اَلده‌تیش نی ایسته‌یدی، چونکه او بو یولدن افغانستان پول‌لری نینگ آزاد ایتیلیشی و بو پول‌لرنینگ پاکستان بانک‌لریگه انتقال بیریلیشی اوچون حرکت قیله‌دی.»
سیاسی ایش بیلرمان‌لردن باشقه بیری باقر محسنی نینگ ایتیشیچه، پاکستان مقصد‌لریگه ایریشیش اوچون طالبان گه پیمان‌کار نقشی نی اوینه‌یدی و بو یولدن پاکستان نینگ اقتصادی، سیاسی و امنیتی ثبات گه ییتیشتیریش نی ایسته‌یدی.
شونده‌ی بیرحالده، تاجیکستان جمهوررئیسی امام‌علی رحمان نینگ آگاه‌لنتیریشیچه، افغانستان ده یوزبیرگن سیاسی و انسانی فاجعه، منطقه خوفسیزلیگی و تینچ‌لیگی اوچون جدی خطر سنله‌دی.
