پاکستان اردوسی نینگ اعلان قیلیشیچه، اوشبو مملکت امنیتی منفعتی‌نی سقله‌ش اوچون افغانستانده طالبان گروهی گه منظم شکلده یاردم بیره‌دی. پاکستان اردوسی سوزلاوچیسی بابر افتخار، اوتگن کونی پاکستان نینگ «اردو نیوز» کونده‌لیگی بیلن اوتکزگن صحبتیده تینچلیک و ثبات خصوصیده طالبان ضمانتی‌ دن رضایت کورستگن.

بیزلرنینگ فیسبوک صحیفه‌میزگه باش اورینگ! 

پاکستان اردوسی سوزلاوچیسی نینگ کوپه‌یتیریشیچه، طالبان گروهی افغانستانده تروریستی گروه‌لرگه فعالیت قیلیش اوچون رخصت بیریلمه‌یشی اوستیگه تاکید قیلگن.

بابر افتخار نینگ ایتیشیچه، طالبان نینگ تعهدلریگه قرشی عمل قیلیش اوچون هیچ‌قنده‌ی دلیل یوق و انه‌شوو سبب، پاکستان ملی منفعتی‌نی سقله‌ش اوچون اوشبو مملکت اردوسی طالبان بیلن ارتباط ده دیر.

جناب افتخار اوشبو صحبت‌ده دیورند چیزیغی‌گه تیکانلی سیم تارتیلیشی اوستیگه تاکید قیلگن. پاکستان‌ نی افغانستان بیلن ۲ مینگ و ۶۰۰ کیلومتر قوشنی چیگره‌سی بار. پاکستان اردوسی سوزلاوچیسی‌گه کوره، اوشبو ایش دن مقصد چیگره‌لرنی یخشی شکلده مدیریت قیلیش دیر. اونینگ ایتیشیچه، تیکانلی سیم تارتیش ایشی ۹۰% ایگری کیتگن.

بیزلرنینگ فیسبوک صحیفه‌میزگه باش اورینگ! 

افغانستانده یوز بیرگن سونگی واقعه‌دن سونگ، پاکستان اوشبو مملکت‌ده اونملی نقش اوینه‌یدی. اوشبو مملکت نیچه مرته خلق ارا جماعه‌سیدن افغانستان ینگی حکومتی‌نی رسمیت گه تانیشی‌نی سوره‌گن ایدی. شونینگدیک، پاکستان باش وزیری عمران خان تاجیک‌لر، اوزبیک‌لر و هزاره‌لرنی حکومت گه شامل قیلیش اوچون طالبان گروهی بیلن مذاکره قیلیشی‌دن خبر بیرگن ایدی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام