سونگی هفته‌لرده پاکستان ده افغانستانلیک مهاجر نینگ قولگه آلینیشی کوپه‌یگنی بیرحالده، اوشبو مملکت‌ده افغانستان ایلچی‌خانه‌سی نینگ ایتیشیچه، اوتگن بیر ییل‌ده پاکستان ده اوچ مینگ‌دن آرتیق افغانستانلیک مهاجر قولگه آلینیب و حبس گه آلینگن دیر.
پاکستان ده افغانستان ایلچی‌خانه سرپرستی سردارمحمد شکیب، اوتگن کون (دوشنبه، ۳-میزان)، سلام‌وطندار گه ایتیشیچه، اوتگن بیر ییل‌ده، ایکی مینگ ۶۰۰ افغانستانلیک محبوس پاکستان ده افغانستان ایلچی‌خانه‌سی نینگ سعی و حرکتی نتیجه‌سیده، مذکور مملکت قماق‌خانه‌لریدن قوییب یوباریلگن؛ بیراق حاضر هم اوشبو مملکت قماق‌خانه‌لریده ۸۰۰دن آرتیق افغانستانلیک مهاجر حبس گه دیر. اونینگ کوپه‌یتیریشیچه: «باشقه شهر‌لر گه قره‌گنده کراچی شهری‌ده قولگه آلینیش کوپ دیر؛ شونینگدیک مهاجرلر بیلن هم درست رفتار بولمه‌یدی؛ چونکه قولگه آلینگنلر آره‌سیده، عیال‌لر، باله‌لر و کسل‌لر شامل دیر.»
بیزلرنینگ فیسبوک صحیفه‌میزگه باش اورینگ!
پاکستان ده افغانستان ایلچی‌خانه سرپرستی، مذکور مملکت‌ده مهاجرلر نینگ قولگه آلینیش پروسه‌سی یکونلنیشی، پاکستان پولیسی تامانیدن اذیت بولمه‌سلیکی‌لری و شونینگدیک افغانستان گه انتقال بیریلیشلری خصوصیده بیللی حل یول تاپیلیشی گه امید بیلدیرگن.
پاکستان ده افغانستانلیک مهاجرلردن قطاری نینگ ایتیشلریچه، اوشبو مملکت پولیسی آرقه‌لی قولگه آلینیش‌لر نینگ کوپه‌یگنی‌دن کیین، قورقوو بیلن حیات کیچیره‌دیلر. ایکی ییل آلدین پاکستان گه مهاجرت قیلگن امیر نینگ ایتیشیچه، ایکی اوغلی پاکستان پولیسی تامانیدن قولگه آلینگن. «سندی بولمه‌گن کیشی‌لر، قولگه آلینه‌دی و پولیس آرقه‌لی اذیت بوله‌دی. ایش اوچون کیتگن ایکی اوغلیم، ایکی هفته‌دن بیری قولگه آلینگن. آزاد بولیشلری اوچون سعی و حرکت قیله‌من؛ بیراق قیله آلمه‌یمن؛ چونکه سندلری یوق.»
پاکستان ده افغانستانلیک مهاجرلردن باشقه بیری شگوفه نینگ ایتیشیچه: «کوپینجه قیین‌چیلیک‌لر بیلن روپه‌ره‌میز؛ قولگه آلینیش‌لر نینگ دوامی بار. کیشی‌لر نینگ قولگه آله‌دیلر و اونگه برابریده پول آلیب و قیته قوییب یوباره‌دیلر، انه شوو سبب، اوی‌دن چیقه آلمه‌یمیز؛ حبس گه بولگن کیشی کبی بولگن‌میز؛ چونکه قولگه آلینمه‌یلیک دیب قورقه‌میز.»
پاکستان پولیسی تامانیدن افغانستانلیک مهاجرلر نینگ قولگه آلینیشی دوامی، اسلام امیر‌لیگی رسمی‌لری و پاکستان ده افغانستان ایلچی‌خانه‌سی نینگ عکس‌العمل‌لری بیلن روپه‌ره بولگن. اسلام امیر‌لیگی نینگ معلومات و مدنیت وزیرلیگی سرپرستی خیرالله خیرخواه، افغانستان بوییچه پاکستان خاص نماینده‌سی آصف‌علی‌خان درانی بیلن اوچره‌شگنی‌ده، پاکستان ده افغانستانلیک مهاجرلر نینگ قولگه آلینیشی گه اشاره قیلیب ایتیشیچه، ایکی مملکت مناسبت‌لری خصوصیده سلبی اثر قویه‌دیگن هر قنده‌ی واقعه نینگ آلدی آلینیشی کیره‌ک.
بیزلرنینگ «ایکس» ترماغی ده هم تعقیب قیلینگ!
شونینگدیک پاکستان ده افغانستان ایلچی‌خانه سرپرستی سرداراحمد شکیب نینگ ایتیشیچه: «پاکستان‌لیک رسمی‌لر بیلن ارتباط‌ده‌میز که بو پروسه‌سی یکونلنتیریب و اهالی نی آذیب قیلمه‌سین‌لر؛ چونکه اهالی نینگ حرمت‌سیزلیگی ایکی مملکت مناسبت‌لری گه سلبی اثرلری بار و پاکستان‌لیک رسمی‌لر هم بو مسئله نینگ کنترول قیلیش‌لری خصوصیده سوز بیرگن.»
سونگی کون‌لر پاکستان‌لیک میدیالر نینگ گزارشی اساسیده، افغانستان ده اسلام امیر‌لیگی نینگ قدرت گه ایریشگنی‌دن کیین، مذکور مملکت نینگ ۶۰۰ مینگ‌دن آرتیق یشاوچیسی پاکستان گه مهاجرت قیلگن. شونینگدی بیرلشگن ملت‌لر تشکیلاتی نینگ باش پناه ایزلاوچیلر عالی کمیشنری نینگ گزارش بیریشیچه، حاضر ایسه اوچ میلیون ۵۰۰ مینگ افغانستانلیک مهاجر پاکستان ده حیات کیچیریب و اولر ارا، یالغیز بیر میلیون ۳۰۰ مینگ کیشی قانونی سند‌لر بیلن حیات کیچیره‌دیلر.
