پاکستان ده افغانستانلیک مهاجرلر نینگ قولگه آلیش ینگی تولقینی باشله‌نیشی بیلن، مملکت مهاجرلر وزیرلیگی مسئوللری پاکستان ده یوزلب مهاجر قولگه آلینگنیدن خبر بیرگنلر.
مهاجرلر وزیرلیگی مسئوللری نینگ سلام‌وطندار گه ایتیشلریچه، اوشبو هفته ده پاکستان نینگ تورلی شهرلریدن افغانستانلیک ناقانونی ۵۰۰ دن آرتیق مهاجر پولیس تامانیدن قولگه آلینگن.
مذکور وزیرلیک سوزلاوچیسی عبدالمطلب حقانی گه کوره، اوشبو وزیرلیک نینگ سعی‌وحرکتی طفیلی ۱۲۰ مهاجر قوییب یوباریلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «قریب ۵۰۰ مهاجر قولگه آلینگن، مهاجرلر وزیرلیگی اولرنی قوییب یوباریش و قولگه آلینیش جریانینی توخته‌تیش اوچون، شارپ دفتری اویغون‌لیگی بیلن سند و کراچی ایالت‌لری گه حقوقی تیم‌لرنی یوبارگن و سعی‌وحرکت‌لر طفیلی ۱۲۰ کیشی قوییب یوباریلگن.»
حقانی جنابلری گه کوره، افغانستانلیک مهاجرلرنی قولگه آلیش جریانینی توخته‌تیش اوچون پاکستان تامانی بیلن مذاکره قیلماقده‌لر.
پاکستان بیرقطار شهرلریده افغانستانلیک مهاجرلردن بعضی‌لری نینگ ایتیشلریچه، حبس گه آلینیش دن قورقیش اوچون اوی دن چیقمه‌یدیلر.
پاکستان نینگ کراچی شهری ده افغانستانلیک مهاجر نوریه مرادی گه کوره، مهاجرلر قولگه آلینیش دن قورقیش اوچون حتا کسل‌لرینی کسلخانه گه آلیب باره آلمه‌یدیلر.
او نینگ ایتیشیچه: «سونگی کون‌لرده کراچی شهری دن عیاللر و باله‌لر شامل ۳۰۰ مهاجر قولگه آلیندی، قریب تورت کوندن بیری قورقیب هیچ جای گه باره آلمه‌یمیز، حتا کسل‌نی کسلخانه گه آلیب باره آلمه‌یمیز، کونسه‌یین تیریکچیلیک احوالیمیز آغیرلشماقده دیر.»
باشقه تاماندن، سونگی کون‌لرده اوزلری یا که قرینداش‌لری قولگه آلینگن مهاجرلردن بیرقطاری نینگ ایتیشلریچه، پاکستان پولیسی پول عوضی گه اولرنی قوییب یوباریب و پولی بولمه‌گن‌لر قماقخانه ده قالیشه‌دی.
بیزلرنینگ توییترده هم تعقیب قیلینگ!
اسلام‌آباد ده افغانستانلیک مهاجرلردن گل‌‌محمد نینگ سلام‌وطندار گه ایتیشیچه: «ویزه‌م وقتی اوتگن ایدی، اوتگن هفته پنجشنبه کونی مینی قولگه آلدیلر، آلدیم گه اسنادیم یوق ایدی، ضمانت اوچون باشقه کیشی آلدیم گه کیلیب ۱۶ مینگ روپیه بیردی، بیز اوزیمیز بیر روپیه‌نی قیینچیلیک بیلن تاپه‌میز، شو مقدار پول نی قرض آلیب اولر گه بیردیک.»
کراچی شهری ده افغانستانلیک مهاجرلردن باشقه بیری نصیر مهاجر گه کوره: «حبس گه آلیش جریانی کوپه‌یگن، اوی‌مه_اوی تیکشیریشه‌دی، ویزه‌سی زمانی اوتگن‌لر پول بیرسه قوییب یوباره‌دی عکس‌حالده زندانی قیله‌دیلر، قوشنی‌لریمیزنی آلیب کیتگن ایدی، هر بیری دن ۸ مینگ روپیه آلیب قوییب بوباردی.»
ایتیش کیره‌ک که، پاکستان وقتینچه‌لیک ایچکی ایشلر وزیری نینگ اوشبو مملکت ده مهاجرلر قولگه آلینیشی گه دایر بیاناتیدن کیین مهاجرلرنی قولگه آلیش جریانی کوپه‌یگن. پاکستان نینگ وقتینچه‌لیک ایچکی ایشلر وزیری، اوشبو هفته یک‌شنبه کونی مطبوعاتی ییغیلیش ده، مذکور مملکت نینگ تورلی شهرلریده ناقانونی مهاجرلر گه قرشی ینگی اقدام قیلیب و اولر اوز مملکت‌لری گه قیتیریلیشینی ایتگن ایدی.
