پاکستان ده حیات کیچیرهدیگن افعانستانلیک مهاجرلردن قطاری نینگ ایتیشلریچه، اوتگن کوندن بیری، اوشبو مملکت تامانیدن افغانستانلیک مهاجرلر نینگ قولگه آلیش جریانی کوپهیگن دیر.
بوندن آلدین پاکستان حکومتی افغان مهاجرلر گه سندلری نی تمدید یا_ده مذکور مملکت نی ترک ایتیش اوچون ۲۰۲۲_ییل نینگ ۳۱ دسمبرگچه وقت بیرگن ایدی.
بیزلرنینگ فیسبوک صحیفهمیزگه باش اورینگ!
بیراق اوشبو وقت نینگ یکونلنیشی بیلن، پاکستان پولیسی آرقهلی مهاجرلر نینگ قولگه آلینیشی کوپهیگن دیر.
پاکستان دهگی افغانستانلیک مهاجر یشاوچیلردن بیری نجیبالله حبیبی نینگ ایتیشیچه، اوتگن کوندن بیری، نیچه خبرچی شامل یشاوچیلردن کوپ قطاری پاکستان پولیسی تامانیدن قولگه آلینگن.
اونگه کوره، افغانستانلیک مهاجر یشاوچیلر، بیرلشگن ملتلر تشکیلاتی و پاکستان پارلمانیده، دادخواهلیک قیلگنلر؛ بیراق اوشبو سعی و حرکتلر حاضرگچه فایدهلی بولمهگن.
پاکستان دهگی افغان مهاجر یشاوچیلر نینگ ایتیشلریچه، ویزهلری نینگ تمدید قیلیش اوچون اقدام قیلگنلری بیرحالده، تمدید قیلیش اوچون آسایشتهلیککه قول تاپهآلمهگنلر.
پاکستان دهگی افغانستانلیک مهاجر یشاوچیلردن باشقه بیری رفیعالله نیکزاد نینگ ایتیشیچه: «پاکستان ده ویزه کوپ قیمت بولگن. بیر ویزه ۱۲۰۰ الی ۱۳۰۰ دالر که، اونی هم کمیشنکارلر چیقرهدی. شرایط جودهیم یامان بولگن. ویزهسیز بولگن کیشیلر حتی اویدن چیقهآلمهیدی.»
پاکستان ده قولگه آلینگن افغانستانلیک مهاجر یشاوچیلر آرهسیده، اوچینچی مملکت گه کیتیش نی کوتیب تورگن خبرچیلر، مدنی فعاللر و انسانحقلری کوپراق خطر بیلن روپهرهلر.
پاکستان دهگی مهاجر افغانلردن باشقه بیری میرویس زازی نینگ ایتیشیچه: «بیرلشگن ملتلر تشکیلاتی اون تورت آیدن بیری پاکستان دهگی خبرچیلر دوسیهلری خصوصیدهگی قیینچیلیکلر نی حل قیلمهگن و هر مرته مراجعت قیلگنلری پیتده، منتظر بولینگ دیهدیلر.»
شوندهی بیرحالده، اسلام امیرلیگی تشقی ایشلر وزیرلیگی پاکستاندن افغانستانلیک مهاجر یشاوچیلر نینگ چیقیش مدتی تمدید بولیشی نی ایستهگن.
بیزلرنینگ توییترده هم تعقیب قیلینگ!
اسلام امیرلیگی سوزلاوچی اورینباسری ضیااحمد تکل نینگ ایتیشیچه: «تشقی ایشلر وزیرلیگی ینه بیر مرته پاکستاندن افغان مهاجرلر نینگ اقامت مدتی نی تمدید قیلیشلری، اولر برابریده مشکل ایجاد قیلمهیشلری و اولر بیلن خلقارا حقوق اساسیده رفتار قیلیشلری نی ایستهگن.»
ایتیش کیرهک که، اوتگن هفته پاکستان انسان حقوقی ملی کمیسیونی، بیر گزارش ترقهتیب پاکستان قماقخانهلریدهگی افغانستان یشاوچیلری وضعیتیدن خواطر بیلدیریب و حاضرگچه پاکستان نینگ کراچی شهریده عیاللر و بالهلر شامل ۳۰۰دن آرتیق کیشی نینگ حبس گه بولگنی ایتگن دیر.