انسان حقوقی کوزه‌تووچیسی اروپالیک مملکت‌لر نینگ مهاجرلر برابریده فرقلی رفتار قیلیش‌لری خصوصیده تنقید قیلگن.
یولگه قوییلگن آنلاین بیر ییغین‌ده انسان حقوقی کوزه‌تووچیسی نینگ اجرائیه رئیسی کینیب رات نینگ ایتیشیچه، اروپالیک مملکت‌لر نینگ افغانستان و اوکراین مهاجرلری برابریده‌گی رفتاری فرقلی دیر.
انسان کوزه‌تووچیسی نینگ اجرایی ریاست رئیسی نینگ کوپه‌یتیریشیچه، اروپالیک مملکت‌لر افغان مهاجرلر برابریده اسلام‌دن قورقیش اوچون، تبعیض‌لی رفتار قیله‌دیلر که شونده‌ی بیرحالده، اوکراین مهاجرلری گه اولیت بیریب و اوکراین یشاوچیلری نینگ باش‌پناهنده‌لیک درخواست پروسه‌سی تیزلیک بیلن قانونی لشتیریله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اروپالیک مملکت‌لر یالغیز افغان‌لر بیلن ایمس، بلکیم سوریه، اریتیریا، سودان و باشقه مملکت‌لر بیلن فرقلی رفتار قیله‌دیلر. انه شوو ایش بیلن اسلام‌دن قورقیش و نژاد‌پرست‌لیک کلمه‌سیدن باشقه یخشی‌راق کلمه تاپیلمه‌یدی.»
شونینگدیک اوشبو ییغین‌ده افغانستان انسان حقوقی مستقل کمیسیونی نینگ سابق ریاست رئیسی شهرزاد اکبر هم صحبت قیلگن دیر.
خانم اکبر اروپالیک مملکت‌لرده افغانستان مهاجرلر وضعیت‌دن خواطر بیلدیریب ایتیشیچه، اروپالیک مملکت‌لر افغانستان مهاجرلر وضعیتی نینگ یخشی‌لنیشی گه تیگیشلی بیرگن سوزلری نی عمل گه آشیرمه‌گنلر.
باشقه بیر تاماندن، اسلامی امارت نینگ قدرت گه ایریشگنیدن کیین، افغانستانلیک مهاجرلردن قطاری اروپالیک مملکت‌لر گه پناه کیلتیرگنلر و شونینگدیک اوشبو مملکت‌لر نینگ مهاجرلر برابریده ایکی تور رفتار قیلیش‌لریدن خبر بیرگنلر.
مذکور مهاجرلر نینگ ایتیش‌لریچه، ناقانونی شکلده بارگن اوکراین یشاوچیلری گه افغان مهاجرلر گه قره‌گنده کوپراق اولویت بیریله‌دی.
بیزلرنینگ توییترده هم تعقیب قیلینگ!
آلمان مملکتی گه مهاجر بولگن محمد‌باسط نینگ سلام‌وطندار گه ایتیشیچه: «اوکراین نینگ وضعیتی‌دن کیین، آلمان و فرانسه مملکت‌لریده بولگن مهاجرلر و قاچقین‌لر خصوصیده قیین‌چیلیک‌لر ایجاد بولدی، چونکه کوپراق توجه اوکراین اهالی‌سی گه بولیب و اولر نینگ دوسیه‌لری کوپراق تیکشیریله‌دی و ایشلری آلغه کیته‌دی.»
شونینگدیک فرانسه مملکتی‌ده افغان مهاجرلریدن بیری اظهار خوشحال نینگ ایتیشیچه: «اوکراین اهالی‌سی گه یخشی‌راق توجه بوله‌دی. اوی و کوپینچه پول اختیارلری گه قرار تاپگن. لیکن ناقانونی شکلده کیلگن افغان‌لر گه قره‌گنده اولر نینگ ایشلری تیزلیکده آلغه کیته‌دی.»
بو بیرینچی مرته ایمس که افغانستان مهاجرلری بیلن اروپالیک مملکت‌لر رفتارلری خصوصیده عکس‌العمل بیلدیریلگن، شونینگدیک بوندن آلدیم انسان حقوقی نهاد‌لری هم مهاجرلر برابریده مملکت‌لر نینگ تبعیض‌لی رفتارلری خصوصیده تنقید قیلگن ایدی.
