اسلامی امارت قدرت گه ایریشیدن کیین، اولکه یشاوچیلریدن قطاری، مهاجرت یولینی تنلب ایران، پاکستان و تورکیه بارگن‌لر. حاضر اوشبو مملکت‌لرده افغانستان نینگ مهاجرلری ایریم قیینچیلیکلر بیلن روپه‌ره دیر. ییگولیک ماده‌لر قیمت لیگیدن آلیب، کوپ ایش بدلی ده آز حقوق بیریش و اولر بیلن پولیس نینگ ناقانونی یولباریشی.
افغانستان نینگ ایران ده‌گی مهاجرلریدن قطاری، سلام‌وطندار بیلن اوتکزگن صحبت‌لریده ایتیشلریچه، اولر مذکور مملکت پولیسی نینگ ناقانونی یولباریشیدن زیریککنلر.
بیزلرنینگ فیسبوک صحیفه‌میزگه باش اورینگ!
اولر نینگ کوپه‌یتیریشیچه، ایران پولیسی ایریم بهانه‌لر سبب افغانستان مهاجرلریدن پول آله‌دی و ینگی‌لیکده تانیش کیم‌لیک ترقه‌تیش بهانه‌سی بیلن قطار مهاجرلرنی قولگه آلگن.
ایران ده‌گی مهاجرلردن مختار نینگ ایتیشیچه: «ایران پولیسی افغانستان‌لیکلر بیلن یامان یانده شه‌دی و حاضر اولردن باج آلیشنی باشلشگن، کیچه مهاجرلر اتاقی ده باریب ۳ میلیون تومان، ۴ میلیون تومان بیرینگلر، عکس‌حالده دیپورت قیله‌میز دیدی.»
ایران ده‌گی مهاجرلردن باشقه بیری فضل گه کوره: «مهاجرلر بیلن یامان یانده شه‌دیلر، مهاجرلرنی قولگه آلیب یا زندانی قیلیشه‌دی یا اولرنی آزاد قیلیش اوچون اولردن کوپ مقدارده پول آلیشه‌دی.»
عین‌حالده، افغانستان نینگ تورکیه ده‌گی مهاجرلری هم ایریم قیینچیلیکلر بیلن روپه‌ره دیر، اولر نینگ ایتیشلریچه، مذکور مملکت پولیسی قورقینچیدن آزاد ایش جاییگه باره آلمه‌یدیلر و پولیس تامانیدن قولگه آلینگن تقدیرده، کوپ عذاب بیریلیب افغانستان یوللنه‌دیلر.
ینگی لیکده تورکیه مهاجر بولیب بارگن عبدالقدیر گه کوره، تورکیه پولیسی مهاجرلرنی کلتکلب و اولرنی آزاد ایشله‌گنی قویمه‌یدی. اونینگ ایتیشیچه: «هر کونی مهاجرلرنی قولگه آلیشه‌دی، مهاجرلر بیلن ناقانونی یانده شه‌دیلر و هر کونی مهاجرلرنی کلتکله‌یدیلر و مهاجرلرنی آزاد ایشله‌گنی قویمه‌یدیلر.»
مملکت نینگ پاکستان ده‌گی فقرالریدن قطاری، مهاجرت پرونده‌لرینی قانونی‌لشتیریش مقصدیده اوییرده بارگن‌لر، آی‌لردن بویان تقدیرلری نامعلوم.
ینگی لیکده پاکستان بارگن مسعود نینگ ایتیشیچه، پاکستان ده افغانستان فقرالری نینگ تقدیری نامعلوم و آی‌لردن بویان پرونده‌لری قانونی‌لشتیریشنی کوتماقده‌لر.
بیزلرنینگ توییترده هم تعقیب قیلینگ!
ایران، پاکستان و تورکیه ده افغانستان مهاجرلری نینگ وضعیتی گه دایر مهاجرلر وزیرلیگی نینگ فکر و ملاحظه‌سینی اورگه‌نیشنی ایسته‌دیک، لیکن کیتمه_کیت قونغراق‌لر بیلن مؤفق بولمه‌دیک.
عین‌حالده، هر ییلی اولکه یشاوچیلریدن قطاری، قشاق و کمبغل‌لیک طفیلی افغانستان‌نی باشقه مملکت‌لر مقصدیده ترک ایته‌دیلر، یا مقصد گه ایریشه‌دی یا هم مملکت گه قیته‌دیلر.
