خلق‌ارا مهاجرلر تشکیلاتی (IOM) توییتر صحیفه‌سیده اعلام قیلگن که جاری ییل جریانیده افغانستان مهاجرلریدن کمیده بیرمیلیونی ایران و پاکستان‌دن، مملکت‌لری گه قیته کیلگنلر یا-ده چیقاریلگنلر. اوشبو تشکیلات نینگ اورغولشیچه، مذکور کیشیلر عاجل یاردم گه احتیاج‌لری بار و اولردن حمایت بولیشی کیره‌ک.
خلق‌ارا مهاجرلر تشکیلاتی بونده‌ی یمان بیر وضعیتده مهاجرلرگه یاردم بیریش‌لری توغریسیده ایشانچ بیرگن. افغانستان جدی اقتصادی قیین‌چلیکلر بیلن روپه‌رو بولگن بیرحالده، مذکور مهاجرلر، مملکت گه کیلگنلر یا-ده چیقاریلگنلر.
بیزلرنینگ فیسبوک صحیفه‌میزگه باش اورینگ!
باشقه بیرتاماندن، خلق ارا مهاجرلر تشکیلاتی افغانستان مهاجرلری نینگ چیقاریلگنی گه اشاره قیلگن بیرحالده، ینگی‌لیکده وال‌استریت ژورنال کونده‌لیگی تامانیدن ترقه‌تیلگن گزارش اساسیده، ایران «قشاقلیک و طالبان» دن مذکور مملکت گه قاچیب بارگن افغانلرنینگ چیقاریش نی کوپه‌یتیرگن.
بیرلشگن مللتلر تشکیلاتی نینگ رسمی‌لریدن بیری وال‌استریب ژورنال بیلن صحبت اوتکزیب ایتیشیچه، ایران رسمی‌لری افغانستان‌لیک مهاجرلرنینگ کوپ آسان‌لیک بیلن چیقاره‌دی و اسلامی امارت قدرت گه ایریشگنیدن کیین بو پروسه تیزلشتیریلگن. مذکور گزارش اساسیده، ایرانی رسمی‌لری کونده ۲ مینگ و ۵۰۰ الی ۴مینگ کیشی نی چیقاریب و نیمروز ولایت مرکزی زرنج شهری گه انتقال بیریله‌دی.
