کابل یشاوچیلری، کاج تعلیمی مرکزی گه اویوشتیریلگن قانلی هجوم‌نی هلیگچه ایسدن چیقرمه‌گن ایدیلر که بوگون بامداد چاغی (سه‌شنبه، ۱۲ میزان) کابل ده پارتلش یوز بیردی.
کابل امنیه قوماندان‌لیگی سوزلاوچیسی خالد زدران، کابل شهری نینگ ایکینچی خوفسیزلیک حوزه حدودلری ده پارتلش یوزبیرگنینی تصدیقلب ایتیشیچه، مذکور پارتلش ده کیمسه زیان کورمه‌گن.
جناب زدران گه کوره، سرک چیکه‌سیده ییرلشتیریلگن ماده پارتلشی باعث حادثه یوز بیرگن.
جمعه کون بامداد چاغی، کابل غربی قسمیده جایلشگن کاج تعلیمی مرکزی ده کوچلی خودکش هجوم اویوشتیریلدی.
بیزلرنینگ فیسبوک صحیفه‌میزگه باش اورینگ!
افغانستان ده بیرلشگن ملت‌لر تشکیلاتی نینگ اورین باسرلیک دفتری (یوناما) اوتگن کون تویتری ده یازیشیچه، کابل غربی دشت برچی ده، کاج تعلیمی مرکزی گه اویوشتیریلگن هجوم ده ۵۳ کیشی هلاک بولیب و باشقه ۱۱۰ کیشی یره‌لنگن.
عین‌حالده، میدیالر نینگ معلوماتی اساسیده بدخشان، تخار، بلخ، هرات، ننگرهار و کابل ولایت‌لریده سونگی بیر آی دن کوپراق ده یوز بیرگن پارتلش‌لرده، ۹۰ کیشی هلاک بولیب و باشقه ۲۲۱ کیشی یره‌لنگن.
ایتیش کیره‌ک که، بو افغانستان بویلب یوز بیرگن بوتون حادثه‌لر رقمی ایمس؛ بلکه سلام‌وطندار تامانیدن قاپلنگن واقعه‌لر دیر.
عین‌حالده، افغانستان حربی ایش بیلرمان‌لری اولکه بویلب ناتینچ‌لیکلر کوپه‌یشیدن خواطر بیلدیریب ایتیشلریچه، امنیتی نهادلر حادثه عامللرینی قولگه آلیش ده کشفی و استخباراتی ضعیف لیک بیلن روپه‌ره بولیشگن.
حربی ایش بیلرمان صادق شینواری نینگ ایتیشیچه: «مملکت ده اویوشتیریلگن نیچه پارتلش؛ امنیتی نهادلر نینگ کشفی و استخباراتی ضعیف‌لیگیدن درک بیره‌دی.»
بیزلرنینگ توییترده هم تعقیب قیلینگ!
ایچکی ایشلر وزیرلیگی سوزلاوچیسی نینگ اورین باسری بسم‌الله حبیب گه کوره، خوفسیزلیک کوچلر امنیت برقرار ایتیلیشی مقصدیده سعی و حرکت قیلماقده‌لر. «دشمن‌لر دایم پستیرمه ده دیر و هر دقیقه بوش‌لیکلردن فایده لنه‌دیلر و خوفسیزلیک کوچلر اولرنی قولگه آلیش مقصدیده سعی و حرکت قیلماقده و بو وزیرلیک، خوفسیزلیک برقرار ایتیلیشی اوچون تلاش قیله‌دی.»
عین‌حالده خلق‌ارا کیچیریم تشکیلاتی، یوناما نینگ گزارش‌لری اساسیده ایتیشیچه، ۲۰۲۱-ییل ۱۵ آگست دن ۲۰۲۲-ییل ۱۵ جون گچه، افغانستان بویلب اسلامی امارت حاکم بولیشی بیلن، مملکت بویلب ۲ مینگ ۱۰۶ واقعه یوز بیرگن که نتیجه ده ۷۰۰ کیشی هلاک بولیب و بیرمینگ ۴۰۶ کیشی یره‌لنگن.
